Gruziianyŋ Bas prokuraturasy qazaqstandyq Äsel Aitpaevanyŋ ölımıne onyŋ jerlesı jäne alys tuysy Mūrat Meiırbekovtı kınälı dep tanuda, dep habarlaidy "Adyrna" ūlttyq portaly Sputnik-Georgia men KTK telearnasyna sılteme jasap.
Tergeu amaldarynyŋ nätijesı boiynşa, qaitys bolardan bırneşe kün būryn Äsel Aitpaevany Meiırbekov zorlaǧan. Tergeu mälımetterı boiynşa, er adam qyzdy ūryp-soǧyp, ekı ret zorlau äreketterın jasaǧan. Endı Qazaqstan azamaty alty jyldan segız jylǧa deiın bas bostandyǧynan aiyryluy mümkın.
Äseldı Gruziiaǧa jūmysqa şaqyrǧan Meiırbekov edı, al qaitys bolardan bır kün būryn ol kenetten Qazaqstanǧa oraldy. Qazır Aitpaevalar otbasy Tbiliside ekstradisiialauǧa ūmtyluda.
Küdıktı jurnalisterge jauap beruden bas tartty. Tılşıler onyŋ meken-jaiyn Nūr-Sūltannan tapty, alaida küdıktı üiınde bolmady.
37 jastaǧy Meiırbekovtıŋ ekı ret üilengenı, ekı balasy bar ekenı jäne endı üşınşı balasyn kütıp jürgenı belgılı boldy.
Mūrattyŋ tuystary onyŋ kınälı emes ekenıne senımdı.
«Ol polisiia bölımıne özı bardy. Polisiianyŋ kömegıne özı jügındı. Atalǧan jaǧdai oryn alǧan kezde ol jolda bolǧan. Astanaǧa kele salysymen bırden polisiia bölımıne jügınıp, dälelder keltırdı. Ol kädımgı adam otbasyly adam. Endı kelıp odan, keşırıŋız ärine, "seriialyq sutener" keipın şyǧaryp otyr», dedı aiyptaluşynyŋ qaiyn enesı telefon arqyly.https://youtu.be/PGjVlmfQ2fg Esterıŋızge sala keteiık, Asel Aitpaeva 5 mamyrda Tbilisidegı üiınıŋ janynan ölı küiınde tabyldy. Qyz toǧyzynşy qabattan sekırıp ketken jäne onyŋ üstınde bır futbolka ǧana bolǧan. Tergeuşıler anyqtaǧandai, qazaqstandyq aru ölım aldynda zorlanǧan. Jergılıktı polisiia Zugdidiıŋ tumasy 57 jastaǧy küdıktı Besik Torduany tūtqyndaǧan bolatyn. Onyŋ būryn zorlau faktısıne qatysty sottalǧany da anyqtaldy. Ölımınıŋ aldynda Asel qūrbysyna Torduamen söilesken bır saǧattyq audiojazbasyn jıberıp ülgergen. Is boiynşa alǧaşqy sot otyrysy 23 mausymda ötedı.
"Adyrna" ūlttyq portaly
(foto: ktk.kz)
Ūqsas jaŋalyqtar
