Qyz kóńil
Qyz kóńil - qyrsyq qashan da,
Qarama qyz aıtqan tyıymǵa
Unatqan baǵyńa qol sozyp
Talpyný saǵan qıyn ba?
Qyz kóńil - tuspaldar qalaýyn,
Surap bil, uǵyp al talǵamyn.
Bultartsa bildirtken sezimnen
Qolyńdy silteı salmaǵyn.
Qyz kóńil - tákappar keıde shyn,
“Joq” dep ap, hatyńdy júr tilep.
Ras kórgiń kelse beınesin
Múmkin emesti múmkin et.
Qyz kóńil - tym názik, ýaıymshyl.
Oılaıdy qaramaı júrse de.
Kelispeı qalsa sen odan
Bas tartyp, syltaý izdeme.
Qyz kóńil - shytyrman, adaspa.
Bolmaǵyn súıýden úreıli.
“Oralma múldem” dese de
Ishinen kelgenin tileıdi.
Qyz kóńilin - túsiný qıyn-aq
Terlersiń jetý jolynda.
Qaramaıtyn bir arý joq
Barlyǵy jigittiń qolynda.
Qyz kóńili qalsa da qanshama
Er minez seriden úmit bar.
Súıe almaıtyn qyz bolmas
Súıdire almaıtyn jigit bar.
Dına LITPIN