Búgin meniń týǵan kúnim oı páli aı: Muqaǵalı Maqataev 90 jasqa toldy

9416

Qazaqtyń aqıyq aqyny, muzbalaǵy Muqaǵalı Maqataev 90 jasqa toldy, dep habarlaıdy "Adyrna" tilshisi. 

1931 jyly Narynqol óńiriniń Qarasaz aýylynda dúnıe esigin ashqan aqynnyń balalyq shaǵy sum soǵyspen dálme-dál keldi. Jastaıynan eńbekke aralasyp, qalamgerlikke bet burady.

Muqaǵalı Maqataev alpysynshy jyldardyń basynda «Soıalıstik Qazaqstan» (qazirgi «Egemen Qazaqstan») gazetinde, 1963-1965 jyldary «Mádenıet jáne turmys» (qazirgi «Parasat»), 1965-1972 jyldary «Juldyz» jýrnaldarynda, 1972-1973 jyldary Qazaqstan Jazýshylar odaǵynda qyzmet atqarǵan.

Qazaq poezııasynyń qaıtalanbas qaısary Muqaǵalı Maqataevtyń bir shýmaq óleńin bilmeıtin qazaq joq bolar. Óleńge ómirin arnaǵan aqynnyń biregeıi. Densaýlyńy syr berip, degbiri qashqan kezinde de qalamynyń sııasyn óshirmedi.

"Bary aqıqat bir derttiń júregimde,
Dáriger-aý,arqalap júremin be?
Sorlaıtyndaı sonshama kim edim men,
Hege aıanysh atasyń ireńińnen?", - áserli óleń shýmaǵy aqynnyń "Joq, dárigerinen" keltirilgen úzindi. Aýrýmen arpalysyp, ómirden 45 jasynda-aq qoshtasqan aqyn el esinen umytylmasy anyq. 

Almaty qalasy mádenıet basqarmasynyń qoldaýymen jáne Almaty telearnasynyń aqparattyq demeýimen aqıyq aqyn Muqaǵalı Maqataevtyń 90 jyldyǵyna oraı, "Esińe meni alǵaısyń " atty aqyn óleńderin mánerlep oqýdan respýblıkalyq onlaın baıqaý jarııalandy. Bul aqyn óleńderin súıip oqıtyn oqyrman úshin úlken múmkindik. Jeńimpazǵa bir mıllıon teńge kóleminde syıaqy berilmek.

"Búgin meniń týǵan kúnim oı páli-aı, 

Myna halyq nege jatyr toılamaı.

Banket jasap berer edim ózim-aq,

Táńirdiń bir jarytpaı-aq qoıǵany-aı",- dep jyrlaǵan Muqańnyń týǵan kúnin barsha halqy toılaýda. Óner ıesiniń óleńin de, ómirin de óz súıgen eli ónege eteri anyq. 

"Adyrna" ulttyq portaly

 

Pikirler
Uqsas jańalyqtar