Üş jylda Qazaqstannan basqa elderge 2,4 trillion teŋgeden astam qarjy jöneltıldı. LS aqparat közı olardyŋ qaida köbırek audarǧanyn anyqtady, dep jazady "Adyrna" saity.
Ūlttyq banktıŋ mälımetınşe, 2021 jyly aqşa audarymdarynyŋ kölemı 1 trillion teŋgeden asty, 2020 jyly būl körsetkış 787,7 milliard teŋge, al 2019 jyly 655,2 milliard teŋge deŋgeiınde boldy. Soŋǧy üş jylda jalpy soma 2,4 trillion teŋgeden astam somany qūrady. Osy kezeŋde aqşa audarymdarynyŋ kölemı 52,6%-ǧa östı.
Aqşanyŋ basym bölıgı Özbekstanǧa ketken. Būl el būryn jetekşı oryn alǧan Reseidı yǧystyryp tastady. Mäselen, soŋǧy bır jylda Özbekstanǧa 298 mlrd teŋgeden astam qarajat audarylǧan (üş jylda + 114,4%). Odan keiıngı orynda Türkiia – 210,9 mlrd teŋge (+126%) jäne Resei – 177,2 mlrd teŋge (-15,1%).
Sonymen qatar, osy kezeŋdegı eŋ köp ösım Armeniiada tırkeldı, oǧan 33,6 mlrd teŋge (+257,4%), Gruziiaǧa – 32,8 mlrd teŋge (+180,3%) jäne Qyrǧyzstanǧa – 144,4 mlrd teŋge (+65,6%) jöneltıldı.
Aqşa audarymdarynyŋ kölemı turaly tolyǧyraq aqparat infografikada berılgen.
Būǧan deiın prezident Qasym-Jomart Toqaev Ūlttyq bankke Qarjy naryǧyn retteu jäne qarjylyq monitoring agenttıkterımen bırlesıp, barlyq tranzaksiialar men elden qarajatty negızsız alyp jatqan tūlǧalarǧa naqty monitoring, tekseru jäne baqylaudy qamtamasyz etudı tapsyrǧanyn jazǧan.
Sondai-aq ol ükımetke zaŋsyz şyǧarylǧan aqşany elge qaitaru boiynşa ūsynystar berudı tapsyrdy.
"Adyrna" ūlttyq portaly
Ūqsas jaŋalyqtar
