Türkıstanǧa Auǧanstannan qonys audarǧan etnikalyq qazaq azamatynyŋ jūpyny tūrmys, jaisyz orny köpşılıktıŋ köŋılın tüsırdı. Elge at sabyltyp jetken qandastar ne ärıp tanymaidy, ne sanaudy jöndı bılmeidı. Kelınşek videoda özınıŋ üige de kelıŋkıremeitın "kepede (laşyq)" tūryp jatqanyn körsetıp, auyr tūrmysyn baiandady, dep habarlaidy "Adyrna" ūlttyq portaly. Būl mäsele jaily "KYN.KZ" saity jazdy.
Üi emes, qamyspen jabylǧan jūpyny kepe dersıŋ... Türkıstanda Auǧanstannan köşıp kelgen 37 jastaǧy Malika esımdı bes balanyŋ anasy jūpyny laşyqta tūryp jatyr. Qandasymyz üi kezegıne tūrǧan, degenmen kezek eş jyljymaǧan körınedı.
«Menıŋ bes balam bar. Qūdaiǧa şükır, balalarym ärıp tanidy, oqidy. Qaiyn atamnyŋ aǧaiyndary osy Qazaqstanda edı. Solar bastap, Auǧanstanda jaǧdai qiyndai bastaǧan kezde bızdı köşırıp äkep, elge qosty. Özımnıŋ ata- anam, tört bauyrym Auǧanstanda qaldy. Olar tıptı qazaq tılın ūmytyp qalǧan. Bauyrlarym qazaqpen emes, auǧandarǧa tūrmysqa şyǧyp, sol eldıŋ qyzdarymen otau qūrdy. Telefonmen söilesıp tūramyn. Qazır jaǧdailary öte qiyn. Qaitemın köşırıp alyp kele almaimyn. Jūmys tabu qiyn. Olardyŋ jūmysy paket satady, kırpış qūiady, arba süireidı sondai qara jūmystar ısteidı. Bır künı nanǧa aqşa tapsa, bır künı eşteŋe joq olarda. Bauyrlarym Tälıpter basqarǧaly zorlyq-zombylyq köbeigenın aitady. Endı ony közımmen körmegennen keiın eşteŋe aita almaimyn. Men Auǧanstanda tūrǧanda basqa tau bökterınde sol Tälıptermen soǧys jürıp jatty. Naqty bız tūratyn aimaqta soǧys, atys bolǧan joq»,- deidı äiel."KYN.KZ"saitynyŋ jazuynşa, Malika Qazaqstanǧa köşıp kelısımen eşkımnen eşqandai aqşalai kömek almaǧan. Öitkenı būl otbasyny aǧaiyn- tuys atsalysyp jürıp elge aldyrypty. Malika da onyŋ küieuı Saidhanan da oqymaǧan. Qaza tılınıŋ ärıpterın de sanyn da tanymaidy. Bar ötınışterı, üi kezegı erterek kelse deidı.
«Bız üidıŋ kezegıne tūrǧanbyz, kelgen jyly. Özımız sauatsyz bolǧandyqtan tüsınebermeimız. Sūrasaq kezekterıŋ kelmedı deidı. Mynau qūlaǧaly tūrǧan üige aiyna 50 myŋ teŋge beremız. Küieuım kündelıktı jaldanyp qara jūmys ısteidı. Onyŋ barlyǧy osy üidıŋ aqysy, balalardyŋ kiımı men tamaǧynan artylmaidy»,- deidı äiel.Malikanyŋ qazırgı tūrmys jaǧdaiy - jūpyny. Atajūrtym dep eleŋdep elge jetken qandas öz mäselesıne atqamınerlerdıŋ nazar audaryp, maŋyz beretınıne senımdı.
"Adyrna" ūlttyq portaly
Ūqsas jaŋalyqtar
