فەيسبۋك الەۋمتتىك جەلىسىندە جازۋشى، جۋرناليست قانات ابىلقايىر تالعار اۋدانى تۇرعىدارىنىڭ اۋىل ماڭىنان زاۋىت سالۋعا قاتىستى قارسىلىعىن جەتكىزدى. ونىڭ ايتۋىنشا، تانىمال كاسىپكەر مارعۇلان سەيسەنباەۆ حالىق نارازىلىعىنا قاراماستان "قۇس ەتىن وڭدەۋ زاۋىتىن" سالعالى وتىر. بۇل جايلى "ادىرنا" ۇلتتىق پورتالى حابارلادى.
جازۋشى قانات ابىلقايىر تۋىنداعان كەلەڭسىز ماسەلەگە قاتىستى:
- جۋىردا بەلگىلى كاسىپكەر مارگۋلان سەيسەمباي "ORDA News" ارناسىنا سۇحبات بەرىپ، الماتى وبلىسىنا قاراستى تالعار اۋدانى اۋماعىندا "قۇس ەتىن وڭدەۋ زاۋىتىن سالۋ" جوسپارلارى كەدەرگىگە تاپ بولىپ، وعان "الدەبىر" باستاماشى توپتىڭ قارسىلىق جاساپ جاتقانىن مالىمدەدى. كاسىپكەردىڭ سوزىنە سەنسەك، جوبا قۇنى 27 ملن ەۋروعا باعالانعان، وسى كەزگە دەيىن زاۋىت اۋماعىن دايىنداۋ جۇمىستارىنا 2 ملن ەۋرو جۇمسالعان.بىراق، "جاڭا قازاقستاندىق" ايگىلى كاسىپكەر مارعۇلان مىرزا "پانفيلوۆ اۋىلىنىڭ ىرگەسىنە كۇنىنە 96 مىڭ توننا قۇس ەتىن وڭدەيتىن زاۋىت سالىنادى ەكەن" دەگەن حابار شىققالى تالعار اۋدانىنا قاراستى پانفيلوۆ، ءتۇزۋساي، ەڭبەكشى، قارابۇلاق اۋىلدارىنىڭ (سونىمەن قاتار الماتى قالاسىنا قاراستى "الاتاۋ" ىقشام اۋدانىنىڭ حالقى) ەلۋ مىڭنان استام تۇرعىنىنان مازا كەتىپ وتىرعانىن، "الدەبىر" باستاماشى توپتىڭ سول مىڭداردىڭ اتىنان زاڭدى ارەكەت جاساپ جاتقانىن، تالعار اۋدانى اكىمدىگى حالىقتىڭ نارازىلىعىنا، ياعني بۇقارانىڭ زاڭدى تالابىن ورىنداۋعا ءماجبۇر بولىپ وتىرعانىن ايتپايدى.تەك مارعۇلان سەيسەمباەۆ كومپانيانىڭ 2 ملن ەۋرو شىعىنىنا شىرىلدايدى. دەمەك، ول كىسىنى "زاۋىت سالعىزبايمىز" دەپ جارعاق قۇلاعى جاستىققا تيمەي زار قاقساپ جۇرگەن 50 مىڭنان اسا جەرگىلىكتى تۇرعىنداردىڭ نارازىلىعى، ولاردىڭ سوڭعى جىلداعى ۋايىمى مەن الاڭ-كوڭىلى "قىزىقتىرمايتىنعا" ۇقسايدى.بيزنەسمەن باستاماشى توپتىڭ رەسمي ءىس-ارەكەتى بارىسىندا انىقتالعان، انىقتالىپ جاتقان "الەل اگرو" مەن بۇرىنعى اكىمدەردىڭ (دۇرىسى اكىم مىندەتىن ۋاقىتشا اتقارعان شەنەۋنىكتەردىڭ) تاراپىنان جىبەرىلگەن ورەسكەل زاڭسىزدىقتار جايلى دا جاق اشپايدى، - دەپ جازدى.
كەيىننەن اۆتور كاسىپكەرمەن ارادا تۋعان داۋدىڭ جاي-جاپسارىن جىكتەپ، "الەل اگرو" تاراپىنىڭ مۇنداي زاڭسىزدىقتاردىڭ بىرنەشەۋى ورىن الىپ وتىرعانىن ايتادى. بۇل جايلى:
- ماسەلەن...
ءبىرىنشى زاڭسىزدىق!زاۋىت سالۋعا بەرىلگەن 4,5 گەكتار جەردىڭ پايدالانۋ ماقساتى قر جەر كودەكسىنىڭ 97 بابىن ورەسكەل بۇزىپ، قىسقا مەرزىمدە وزگەرتىلگەن.ياعني، كومپانيا تاراپىنان ەسكى قازاقستاننىڭ ەسكى جولىمەن مىڭداعان حالىقتىڭ مۇددەسى ەسكەرىلمەي، ولاردىڭ جايلى ءومىر ءسۇرۋ قۇقىعىنان ايىرۋعا قادام 2017 جىلى-اق جاسالعان.ەكىنشى زاڭسىزدىق!زاڭ بويىنشا مۇنداي الىپ زاۋىت سالۋعا قاتىستى (بيزنەسمەن ايتقان 2 ملن ەۋرو جۇمسالماي تۇرىپ) قوعامدىق تىڭداۋ ۇيىمداستىرىلۋ كەرەك ەدى. ول دا جوق.سول جوقتىڭ ورنىن "الەل اگرو" بىرنەشە اي بۇرىن تىرناقشانىڭ ىشىندەگى "قوعامدىق تىڭداۋمەن" تولتىرماق بولدى. ۇزىن سانى وتىزعا جەتپەيتىن ادام قاتىسقان قوعامدىق تالقىلاۋدىڭ 1/3 "الەل اگرولىقتار" تولتىرىپتى. قالعانى مەكتەپ مۇعالىمدەرى...ياعني، كۇلكىلى بولسا دا ايتايىق، ەلۋ مىڭنان اسا حالىق تۇراتىن پانفيلوۆ، ەڭبەكشى، قارابۇلاق، ءتۇزۋساي اۋىلدارىنىڭ، الاتاۋ ى/ا جانە بىرنەشە ساياجايلاردىڭ ومىرلىك تاعدىرىن 22 مۇعالىمگە شەشكىزبەك بولعان.ءۇشىنشى زاڭسىزدىق!"الەل اگرونىڭ" قۇس ەتىن وڭدەۋ زاۋىتى سالىنا قالعاننىڭ وزىندە، ونىڭ اۋماعى اۋىل تۇرعىن ۇيلەرىنەن ءبىر شاقىرىمنان اسا قاشىقتىقتا بولۋى كەرەك. ال، بۇل زاۋىت پەن اۋىل ۇيلەرىنىڭ اراسى 500 مەترگە جەتپەيدى.ءتورتىنشى زاڭسىزدىق!بۇگىنگە دەيىن 27 ملن ەۋرو ينۆەستيتسيا تارتۋعا قاۋقارلى اتالمىش كومپانياعا الماتى حالىقارالىق اۋەجايى زاۋىت سالۋعا رۇقسات بەرمەگەن. الماتى اۋەجايى ءبىزدىڭ رەسمي حاتىمىزعا قر زاڭدارى بويىنشا مۇنداي ءىرى زاۋىت سالۋعا ۇشاقتىڭ ۇشۋ جولىنان كەمى 15 شاقىرىم قاشىقتىقتا بولماسا، مۇمكىندىك بەرىلمەيتىنىن مالىمدەدى.ايتا بەرسەك، "الەل اگرو" تاراپىنىڭ مۇنداي زاڭسىزدىقتارى كوپ (ونىڭ ءبارىن الدا تاعى دا تارقاتىپ جازاتىن بولامىز), - دەپ جالعادى جازباسىن.
قانات ابىلقايىردىڭ ايتۋىنشا، مۇنداي زاۋىتتار اۋىل-ايماقتان تىسقارى سالىنۋى ءتيىس.
- وتكەن جولى پانفيلوۆ اۋىلىنداعى #17 مەكتەپتە "الەل اگرونىڭ" وكىلدەرى مەن اۋىل تۇرعىندارىنىڭ كەزدەسۋى ءوتتى. سول كەزدەسۋدە "الەل اگرولىقتار" بۇقارا حالىقتىڭ الدىندا اۋىز اشار جايى بولمادى. جەرگىلىكتى تۇرعىنداردىڭ قارسىلىعىنا ايتار ۋاجدەرى دە ماندىمادى.
سول جيىندا حالىقتىڭ اتالعان اۋىلداردىڭ ەكولوگيالىق احۋالىنا، زاۋىتتىڭ ەنەرگەتيكالىق قاۋىپ-قاتەرىنە، كاناليزاتسيا ماسەلەسىنە قاتىستى جانايقايى "اسحانامىزعا اجەتحانا سالعىزبايمىز" دەگەن جالعىز اۋىز سوزبەن تۇيىندەلدى.
ءتىپتى، "الەل اگرولىقتار" مارعۇلان سەيسەمباەۆ جايلى قويىلعان سۇراقتارعا "ول كىسىنىڭ ءبىزدىڭ كومپانيامىزعا مۇلدەم قاتىسى جوق" دەپ اۋىزدارىن قۋ شوپپەن ءسۇرتىپ شىعا كەلدى. (اشۋلى نارازى جۇرتتىڭ اۋزىمەن ماقتاۋلى مارعۇلاننىڭ اتىنا كىر كەلتىرمەۋگە تىرىسسا كەرەك).
سول "الەل اگروعا" تۇك قاتىسى جوق مارعۇلان سەيسەمباەۆ مىرزاعا ءبىز سول كۇنى اۋىل بەلسەندىلەرى ناق پانفيلوۆ اۋىلىندا ۇزاق جىلداردان بەرى تۇراتىن زاڭگەر، ەكولوگ، جۋرناليستەردىڭ باسىن قوسىپ، باستاماشى توپ قۇرعانىمىزدى، ءبىزدىڭ ساپىمىزعا ءوزىمىز سايلاعان وبلىستىق ءھام اۋداندىق ءماسليحاتىڭ دەپۋتاتتارىن قوسقانىمىزدى، جيىن سوڭىندا نارازى حالىقتىڭ ءسوزىن سويلەۋگە ۋادە بەرىپ، حاتتاما تولتىرعانىمىزدى ايتا كەتسەك دەيمىز.
جاڭا قازاقستاندا قازاقتىڭ كەڭ ساحاراسى قۇرىپ قالعانداي، مىڭداردىڭ مۇددەسىمەن ساناسپاي، بىرنەشە اۋىلدىڭ قاق ورتاسىنا زاڭدى بەلشەدەن باسىپ، كۇنىنە 96 مىڭ تاۋىق سوياتىن زاۋىت سالۋعا ەشكىمنىڭ قۇقى بولا قويماس دەپ ويلايمىز!
بۇل ماسەلەنى قر پرەزيدەنتى قاسىم-جامارت توقاەۆتىڭ نازارىنا Ruslan Zheldibay دوسىم جەتكىزەر! وبلىس اكىمى سۇلتانعازيەۆتىڭ قۇلاعىنا Galymurat Zhukel باۋىرىم سىبىرلار!مۇنداي زاۋىتتار حالىقتىڭ جايلى ءومىر سۇرۋىنە كەدەرگى كەلتىرمەيتىن اۋماققا سالىنۋى ءتيىس. سوندا عانا ەلىمىز دامۋدىڭ داڭعىل جولىنا تۇسەدى... - دەپ جازدى اۆتور.
"ادىرنا" ۇلتتىق پورتالى
