Feisbuk äleumttık jelısınde jazuşy, jurnalist Qanat Äbılqaiyr Talǧar audany tūrǧydarynyŋ auyl maŋynan zauyt saluǧa qatysty qarsylyǧyn jetkızdı. Onyŋ aituynşa, tanymal käsıpker Marǧūlan Seisenbaev halyq narazylyǧyna qaramastan "Qūs etın öŋdeu zauytyn" salǧaly otyr. Būl jaily "Adyrna" ūlttyq portaly habarlady.
Jazuşy Qanat Äbılqaiyr tuyndaǧan keleŋsız mäselege qatysty:
- Juyrda belgılı käsıpker Margulan Seisembai "ORDA News" arnasyna sūhbat berıp, Almaty oblysyna qarasty Talǧar audany aumaǧynda "Qūs etın öŋdeu zauytyn salu" josparlary kedergıge tap bolyp, oǧan "äldebır" bastamaşy toptyŋ qarsylyq jasap jatqanyn mälımdedı. Käsıpkerdıŋ sözıne sensek, joba qūny 27 mln euroǧa baǧalanǧan, osy kezge deiın zauyt aumaǧyn daiyndau jūmystaryna 2 mln euro jūmsalǧan.Bıraq, "jaŋa qazaqstandyq" äigılı käsıpker Marǧūlan myrza "Panfilov auylynyŋ ırgesıne künıne 96 myŋ tonna qūs etın öŋdeitın zauyt salynady eken" degen habar şyqqaly Talǧar audanyna qarasty Panfilov, Tüzusai, Eŋbekşı, Qarabūlaq auyldarynyŋ (sonymen qatar Almaty qalasyna qarasty "Alatau" yqşam audanynyŋ halqy) elu myŋnan astam tūrǧynynan maza ketıp otyrǧanyn, "äldebır" bastamaşy toptyŋ sol myŋdardyŋ atynan zaŋdy äreket jasap jatqanyn, Talǧar audany äkımdıgı halyqtyŋ narazylyǧyna, iaǧni būqaranyŋ zaŋdy talabyn oryndauǧa mäjbür bolyp otyrǧanyn aitpaidy.Tek Marǧūlan Seisembaev kompaniianyŋ 2 mln euro şyǧynyna şyryldaidy. Demek, ol kısını "zauyt salǧyzbaimyz" dep jarǧaq qūlaǧy jastyqqa timei zar qaqsap jürgen 50 myŋnan asa jergılıktı tūrǧyndardyŋ narazylyǧy, olardyŋ soŋǧy jyldaǧy uaiymy men alaŋ-köŋılı "qyzyqtyrmaitynǧa" ūqsaidy.Biznesmen Bastamaşy toptyŋ resmi ıs-äreketı barysynda anyqtalǧan, anyqtalyp jatqan "Alel Agro" men būrynǧy äkımderdıŋ (dūrysy äkım mındetın uaqytşa atqarǧan şeneunıkterdıŋ) tarapynan jıberılgen öreskel zaŋsyzdyqtar jaily da jaq aşpaidy, - dep jazdy.
Keiınnen avtor käsıpkermen arada tuǧan daudyŋ jai-japsaryn jıktep, "Alel Agro" tarapynyŋ mūndai zaŋsyzdyqtardyŋ bırneşeuı oryn alyp otyrǧanyn aitady. Būl jaily:
- Mäselen...
Bırınşı zaŋsyzdyq!Zauyt saluǧa berılgen 4,5 gektar jerdıŋ paidalanu maqsaty QR Jer Kodeksınıŋ 97 babyn öreskel būzyp, qysqa merzımde özgertılgen.Iаǧni, kompaniia tarapynan Eskı Qazaqstannyŋ eskı jolymen myŋdaǧan halyqtyŋ müddesı eskerılmei, olardyŋ jaily ömır süru qūqyǧynan aiyruǧa qadam 2017 jyly-aq jasalǧan.Ekınşı zaŋsyzdyq!Zaŋ boiynşa mūndai alyp zauyt saluǧa qatysty (biznesmen aitqan 2 mln euro jūmsalmai tūryp) qoǧamdyq tyŋdau ūiymdastyrylu kerek edı. Ol da joq.Sol joqtyŋ ornyn "Alel Agro" bırneşe ai būryn tyrnaqşanyŋ ışındegı "qoǧamdyq tyŋdaumen" toltyrmaq boldy. Ūzyn sany otyzǧa jetpeitın adam qatysqan qoǧamdyq talqylaudyŋ 1/3 "Alel Agrolyqtar" toltyrypty. Qalǧany mektep mūǧalımderı...Iаǧni, külkılı bolsa da aitaiyq, elu myŋnan asa halyq tūratyn Panfilov, Eŋbekşı, Qarabūlaq, Tüzusai auyldarynyŋ, Alatau y/a jäne bırneşe saiajailardyŋ ömırlık taǧdyryn 22 mūǧalımge şeşkızbek bolǧan.Üşınşı zaŋsyzdyq!"Alel Agronyŋ" qūs etın öŋdeu zauyty salyna qalǧannyŋ özınde, onyŋ aumaǧy auyl tūrǧyn üilerınen bır şaqyrymnan asa qaşyqtyqta boluy kerek. Al, būl zauyt pen auyl üilerınıŋ arasy 500 metrge jetpeidı.Törtınşı zaŋsyzdyq!Bügınge deiın 27 mln euro investisiia tartuǧa qauqarly atalmyş kompaniiaǧa Almaty halyqaralyq äuejaiy zauyt saluǧa rūqsat bermegen. Almaty äuejaiy bızdıŋ resmi hatymyzǧa QR Zaŋdary boiynşa mūndai ırı zauyt saluǧa ūşaqtyŋ ūşu jolynan kemı 15 şaqyrym qaşyqtyqta bolmasa, mümkındık berılmeitının mälımdedı.Aita bersek, "Alel Agro" tarapynyŋ mūndai zaŋsyzdyqtary köp (onyŋ bärın alda taǧy da tarqatyp jazatyn bolamyz), - dep jalǧady jazbasyn.
Qanat Äbılqaiyrdyŋ aituynşa, mūndai zauyttar auyl-aimaqtan tysqary salynuy tiıs.
- Ötken joly Panfilov auylyndaǧy #17 mektepte "Alel Agronyŋ" ökılderı men auyl tūrǧyndarynyŋ kezdesuı öttı. Sol kezdesude "Alel Agrolyqtar" būqara halyqtyŋ aldynda auyz aşar jaiy bolmady. Jergılıktı tūrǧyndardyŋ qarsylyǧyna aitar uäjderı de mandymady.
Sol jiynda halyqtyŋ atalǧan auyldardyŋ ekologiialyq ahualyna, zauyttyŋ energetikalyq qauıp-qaterıne, kanalizasiia mäselesıne qatysty janaiqaiy "ASHANAMYZǦA ÄJETHANA SALǦYZBAIMYZ" degen jalǧyz auyz sözben tüiındeldı.
Tıptı, "Alel Agrolyqtar" Marǧūlan Seisembaev jaily qoiylǧan sūraqtarǧa "Ol kısınıŋ bızdıŋ kompaniiamyzǧa müldem qatysy joq" dep auyzdaryn qu şöppen sürtıp şyǧa keldı. (Aşuly narazy jūrttyŋ auzymen maqtauly Marǧūlannyŋ atyna kır keltırmeuge tyryssa kerek).
Sol "Alel Agroǧa" tük qatysy joq Marǧūlan Seisembaev myrzaǧa bız sol künı auyl belsendılerı naq Panfilov auylynda ūzaq jyldardan berı tūratyn zaŋger, ekolog, jurnalisterdıŋ basyn qosyp, bastamaşy top qūrǧanymyzdy, bızdıŋ sapymyzǧa özımız sailaǧan oblystyq häm audandyq mäslihatyŋ deputattaryn qosqanymyzdy, jiyn soŋynda narazy halyqtyŋ sözın söileuge uäde berıp, hattama toltyrǧanymyzdy aita ketsek deimız.
Jaŋa Qazaqstanda qazaqtyŋ keŋ saharasy qūryp qalǧandai, myŋdardyŋ müddesımen sanaspai, bırneşe auyldyŋ qaq ortasyna zaŋdy belşeden basyp, künıne 96 myŋ tauyq soiatyn zauyt saluǧa eşkımnıŋ qūqy bola qoimas dep oilaimyz!
Būl mäselenı QR Prezidentı Qasym-Jamart Toqaevtıŋ nazaryna Ruslan Zheldibay dosym jetkızer! Oblys äkımı Sūltanǧazievtıŋ qūlaǧyna Galymurat Zhukel bauyrym sybyrlar!Mūndai zauyttar halyqtyŋ jaily ömır süruıne kedergı keltırmeitın aumaqqa salynuy tiıs. Sonda ǧana elımız damudyŋ daŋǧyl jolyna tüsedı... - dep jazdy avtor.
"Adyrna" ūlttyq portaly
Ūqsas jaŋalyqtar
deputattar
zauyt
eskı qazaqstan
qanat äbılqaiyr
Jaŋa Qazaqstan
marǧūlan seisenbaev
talǧar audary
talǧar dau
dauly mäsele
fabrika
