Feısbýk áleýmttik jelisinde jazýshy, jýrnalıst Qanat Ábilqaıyr Talǵar aýdany turǵydarynyń aýyl mańynan zaýyt salýǵa qatysty qarsylyǵyn jetkizdi. Onyń aıtýynsha, tanymal kásipker Marǵulan Seısenbaev halyq narazylyǵyna qaramastan "Qus etin óńdeý zaýytyn" salǵaly otyr. Bul jaıly "Adyrna" ulttyq portaly habarlady.
Jazýshy Qanat Ábilqaıyr týyndaǵan keleńsiz máselege qatysty:
- Jýyrda belgili kásipker Margýlan Seısembaı "ORDA News" arnasyna suhbat berip, Almaty oblysyna qarasty Talǵar aýdany aýmaǵynda "Qus etin óńdeý zaýytyn salý" josparlary kedergige tap bolyp, oǵan "áldebir" bastamashy toptyń qarsylyq jasap jatqanyn málimdedi. Kásipkerdiń sózine sensek, joba quny 27 mln eýroǵa baǵalanǵan, osy kezge deıin zaýyt aýmaǵyn daıyndaý jumystaryna 2 mln eýro jumsalǵan.Biraq, "jańa qazaqstandyq" áıgili kásipker Marǵulan myrza "Panfılov aýylynyń irgesine kúnine 96 myń tonna qus etin óńdeıtin zaýyt salynady eken" degen habar shyqqaly Talǵar aýdanyna qarasty Panfılov, Túzýsaı, Eńbekshi, Qarabulaq aýyldarynyń (sonymen qatar Almaty qalasyna qarasty "Alataý" yqsham aýdanynyń halqy) elý myńnan astam turǵynynan maza ketip otyrǵanyn, "áldebir" bastamashy toptyń sol myńdardyń atynan zańdy áreket jasap jatqanyn, Talǵar aýdany ákimdigi halyqtyń narazylyǵyna, ıaǵnı buqaranyń zańdy talabyn oryndaýǵa májbúr bolyp otyrǵanyn aıtpaıdy.Tek Marǵulan Seısembaev kompanııanyń 2 mln eýro shyǵynyna shyryldaıdy. Demek, ol kisini "zaýyt salǵyzbaımyz" dep jarǵaq qulaǵy jastyqqa tımeı zar qaqsap júrgen 50 myńnan asa jergilikti turǵyndardyń narazylyǵy, olardyń sońǵy jyldaǵy ýaıymy men alań-kóńili "qyzyqtyrmaıtynǵa" uqsaıdy.Bıznesmen Bastamashy toptyń resmı is-áreketi barysynda anyqtalǵan, anyqtalyp jatqan "Alel Agro" men burynǵy ákimderdiń (durysy ákim mindetin ýaqytsha atqarǵan sheneýnikterdiń) tarapynan jiberilgen óreskel zańsyzdyqtar jaıly da jaq ashpaıdy, - dep jazdy.
Keıinnen avtor kásipkermen arada týǵan daýdyń jaı-japsaryn jiktep, "Alel Agro" tarapynyń mundaı zańsyzdyqtardyń birnesheýi oryn alyp otyrǵanyn aıtady. Bul jaıly:
- Máselen...
Birinshi zańsyzdyq!Zaýyt salýǵa berilgen 4,5 gektar jerdiń paıdalaný maqsaty QR Jer Kodeksiniń 97 babyn óreskel buzyp, qysqa merzimde ózgertilgen.Iaǵnı, kompanııa tarapynan Eski Qazaqstannyń eski jolymen myńdaǵan halyqtyń múddesi eskerilmeı, olardyń jaıly ómir súrý quqyǵynan aıyrýǵa qadam 2017 jyly-aq jasalǵan.Ekinshi zańsyzdyq!Zań boıynsha mundaı alyp zaýyt salýǵa qatysty (bıznesmen aıtqan 2 mln eýro jumsalmaı turyp) qoǵamdyq tyńdaý uıymdastyrylý kerek edi. Ol da joq.Sol joqtyń ornyn "Alel Agro" birneshe aı buryn tyrnaqshanyń ishindegi "qoǵamdyq tyńdaýmen" toltyrmaq boldy. Uzyn sany otyzǵa jetpeıtin adam qatysqan qoǵamdyq talqylaýdyń 1/3 "Alel Agrolyqtar" toltyrypty. Qalǵany mektep muǵalimderi...Iaǵnı, kúlkili bolsa da aıtaıyq, elý myńnan asa halyq turatyn Panfılov, Eńbekshi, Qarabulaq, Túzýsaı aýyldarynyń, Alataý y/a jáne birneshe saıajaılardyń ómirlik taǵdyryn 22 muǵalimge sheshkizbek bolǵan.Úshinshi zańsyzdyq!"Alel Agronyń" qus etin óńdeý zaýyty salyna qalǵannyń ózinde, onyń aýmaǵy aýyl turǵyn úılerinen bir shaqyrymnan asa qashyqtyqta bolýy kerek. Al, bul zaýyt pen aýyl úıleriniń arasy 500 metrge jetpeıdi.Tórtinshi zańsyzdyq!Búginge deıin 27 mln eýro ınvestıııa tartýǵa qaýqarly atalmysh kompanııaǵa Almaty halyqaralyq áýejaıy zaýyt salýǵa ruqsat bermegen. Almaty áýejaıy bizdiń resmı hatymyzǵa QR Zańdary boıynsha mundaı iri zaýyt salýǵa ushaqtyń ushý jolynan kemi 15 shaqyrym qashyqtyqta bolmasa, múmkindik berilmeıtinin málimdedi.Aıta bersek, "Alel Agro" tarapynyń mundaı zańsyzdyqtary kóp (onyń bárin alda taǵy da tarqatyp jazatyn bolamyz), - dep jalǵady jazbasyn.
Qanat Ábilqaıyrdyń aıtýynsha, mundaı zaýyttar aýyl-aımaqtan tysqary salynýy tıis.
- Ótken joly Panfılov aýylyndaǵy #17 mektepte "Alel Agronyń" ókilderi men aýyl turǵyndarynyń kezdesýi ótti. Sol kezdesýde "Alel Agrolyqtar" buqara halyqtyń aldynda aýyz ashar jaıy bolmady. Jergilikti turǵyndardyń qarsylyǵyna aıtar ýájderi de mandymady.
Sol jıynda halyqtyń atalǵan aýyldardyń ekologııalyq ahýalyna, zaýyttyń energetıkalyq qaýip-qaterine, kanalızaııa máselesine qatysty janaıqaıy "ASHANAMYZǴA ÁJETHANA SALǴYZBAIMYZ" degen jalǵyz aýyz sózben túıindeldi.
Tipti, "Alel Agrolyqtar" Marǵulan Seısembaev jaıly qoıylǵan suraqtarǵa "Ol kisiniń bizdiń kompanııamyzǵa múldem qatysy joq" dep aýyzdaryn qý shóppen súrtip shyǵa keldi. (Ashýly narazy jurttyń aýzymen maqtaýly Marǵulannyń atyna kir keltirmeýge tyryssa kerek).
Sol "Alel Agroǵa" túk qatysy joq Marǵulan Seısembaev myrzaǵa biz sol kúni aýyl belsendileri naq Panfılov aýylynda uzaq jyldardan beri turatyn zańger, ekolog, jýrnalısterdiń basyn qosyp, bastamashy top qurǵanymyzdy, bizdiń sapymyzǵa ózimiz saılaǵan oblystyq hám aýdandyq máslıhatyń depýtattaryn qosqanymyzdy, jıyn sońynda narazy halyqtyń sózin sóıleýge ýáde berip, hattama toltyrǵanymyzdy aıta ketsek deımiz.
Jańa Qazaqstanda qazaqtyń keń saharasy quryp qalǵandaı, myńdardyń múddesimen sanaspaı, birneshe aýyldyń qaq ortasyna zańdy belsheden basyp, kúnine 96 myń taýyq soıatyn zaýyt salýǵa eshkimniń quqy bola qoımas dep oılaımyz!
Bul máseleni QR Prezıdenti Qasym-Jamart Toqaevtiń nazaryna Ruslan Zheldibay dosym jetkizer! Oblys ákimi Sultanǵazıevtiń qulaǵyna Galymurat Zhukel baýyrym sybyrlar!Mundaı zaýyttar halyqtyń jaıly ómir súrýine kedergi keltirmeıtin aýmaqqa salynýy tıis. Sonda ǵana elimiz damýdyń dańǵyl jolyna túsedi... - dep jazdy avtor.
"Adyrna" ulttyq portaly
