رەسەيدەگى مەتاللۋرگيالىق كومبينات اۋماعىندا ەكى قازاقستاندىق ازامات ءولى كۇيىندە تابىلدى، دەپ حابارلايدى «ادىرنا» ءتىلشىسى.
وقيعا چەرەپوۆەتس مەتاللۋرگيالىق كومبيناتىنىڭ وندىرىستىك الاڭىندا بولدى. بۇل كومبينات – «سەۆەرستال» كومپانياسىنىڭ نەگىزگى اكتيۆتەرىنىڭ ءبىرى.
«14 قاڭتاردا زاۋىت اۋماعىنان مەردىگەر ۇيىمداردا جۇمىس ىستەگەن 2 قازاقستاندىق ءولى كۇيىندە تابىلدى. قازىرگى ۋاقىتتا ءولىم سەبەپتەرى تەرگەلىپ جاتىر، وقيعا ورنىندا ارنايى قىزمەتتەر جۇمىس ىستەۋدە. ءبىز قىزمەتكەرلەردىڭ تۋىستارىنا قايعىرا كوڭىل ايتامىز»،- دەلىنگەن حابارلامادا.
رەسەيدىڭ ۆولوگدا وبلىسى بويىنشا تەرگەۋ كوميتەتىنىڭ مالىمەتىنشە، وقيعا ورنىندا جەدەل-تەرگەۋ توبى جۇمىس ىستەپ جاتىر. وقيعانىڭ سەبەپتەرى انىقتالۋدا.
ۇقساس جاڭالىقتار
