بۇگىن، 12 قاڭتاردا اسكەري جانە قىزمەتتىك بورىشىن اتقارۋ كەزىندە ەرلىكپەن قازا تاپقان ۇقك شەكارا اكادەمياسىنىڭ كۋرسانتى ءبىتىم مەيىرحاننىڭ اقتاۋداعى اتا-اناسىنا مەملەكەتتىك ناگرادا جەتكىزىلدى، دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.
مەيىرحان ەرجانۇلى قايتىس بولعاننان كەيىن ەل پرەزيدەنتى قاسىم-جومارت توقاەۆتىڭ جارلىعىمەن مەملەكەت مۇددەسىن قورعاۋ كەزىندە جاساعان ەرلىگى جانە باتىلدىعى مەن جانقيارلىعى ءۇشىن ءىىى دارەجەلى "ايبىن" وردەنىمەن ناگرادتالعان بولاتىن.
وبلىس اكىمى نۇرلان نوعاەۆ مەملەكەتتىك ناگرادانى مارقۇمنىڭ اتاسىنا تابىستادى.
- قر پرەزيدەنتى قاسىم-جومارت توقاەۆ مەيىرحاننىڭ قىزمەتتىك بورىشىن ورىنداۋ كەزىندەگى كورسەتكەن ەرلىگىن جوعارى باعالاپ، قايتىس بولعاننان كەيىن ءىىى دارەجەلى «ايبىن» وردەنىن بەرۋ تۋرالى جارلىققا قول قويدى. مەيىرحانداي ەرجۇرەك بالانى دۇنيەگە اكەلىپ، تاربيەلەگەن وتباسىنا، ۇستازدارىنا، جاقىندارىنا العىسىمدى بىلدىرەمىن. ەندى بۇنداي ورنى تولماس وكىنىش قايتالانباسىن. ول ءۇشىن ەلدىڭ بىرلىگى مەن ىنتىماعى قاجەت،- دەدى نۇرلان نوعاەۆ.
سونداي-اق، ءوڭىر باسشىسى مارقۇمنىڭ وتباسىنا قازاقستان رەسپۋبليكاسى ۇقك توراعاسى ەرمەك ساعىمباەۆتىڭ كوڭىل ايتۋ جەدەلحاتىن تابىستادى.
"ادىرنا" ۇلتتىق پورتالى
