Búgin, 12 qańtarda áskerı jáne qyzmettik boryshyn atqarý kezinde erlikpen qaza tapqan UQK Shekara akademııasynyń kýrsanty Bitim Meıirhannyń Aqtaýdaǵy ata-anasyna memlekettik nagrada jetkizildi, dep habarlaıdy Mańǵystaý oblysy ákiminiń baspasóz qyzmeti.
Meıirhan Erjanuly qaıtys bolǵannan keıin el Prezıdenti Qasym-Jomart Toqaevtyń jarlyǵymen memleket múddesin qorǵaý kezinde jasaǵan erligi jáne batyldyǵy men janqııarlyǵy úshin III dárejeli "Aıbyn" ordenimen nagradtalǵan bolatyn.
Oblys ákimi Nurlan Noǵaev memlekettik nagradany marqumnyń atasyna tabystady.
- QR Prezıdenti Qasym-Jomart Toqaev Meıirhannyń qyzmettik boryshyn oryndaý kezindegi kórsetken erligin joǵary baǵalap, qaıtys bolǵannan keıin III dárejeli «Aıbyn» ordenin berý týraly Jarlyqqa qol qoıdy. Meıirhandaı erjúrek balany dúnıege ákelip, tárbıelegen otbasyna, ustazdaryna, jaqyndaryna alǵysymdy bildiremin. Endi bundaı orny tolmas ókinish qaıtalanbasyn. Ol úshin eldiń birligi men yntymaǵy qajet,- dedi Nurlan Noǵaev.
Sondaı-aq, óńir basshysy marqumnyń otbasyna Qazaqstan Respýblıkasy UQK tóraǵasy Ermek Saǵymbaevtyń kóńil aıtý jedelhatyn tabystady.
"Adyrna" ulttyq portaly
