شىمكەنت قالاسىنداعى تۇران شاعىن اۋدانىندا بىلتىرعى جىلدان قۇرىلىسى وتپەلى 41 تۇرعىن ءۇيدىڭ قۇرىلىسى جالعاسۋدا. پاتەر سانى 2432 بولاتىن ءۇي جىل قورىتىندىسىمەن پايدالانۋعا بەرىلمەك.
«نۇرلى جەر» مەملەكەتتىك باعدارلاماسى اياسىنداعى كوپقاباتتى تۇرعىن ۇيلەردىڭ قۇرىلىس بارىسىن بۇگىن قالا اكىمى مۇرات ايتەنوۆ ارالاپ كوردى. وز بايانداماسىندا، قالالىق قۇرىلىس باسقارماسىنىڭ باسشىسى ءا.راباەۆ قۇرىلىس ماتەريالداردىڭ وتاندىق ءونىم ۇلەسى 91 پايىزدى قۇرايتىنىن مالىمدەدى.
مەردىگەرلەرمەن كەزدەسكەن شاھار باسشىسى تۇرعىندار ءۇشىن باسپانا ساپاسى ماڭىزدى ەكەنىن ايتىپ، جۇمىستىڭ قارقىنى مەن ساپاسىن نازاردا ۇستاۋدى تاپسىردى.
«مەملەكەت باسشىسى قاسىم-جومارت توقاەۆ حالىقتى باسپانامەن قامتۋ ماسەلەسىن ءجىتى نازاردا ۇستايدى.
بۇل باعىتتا ەلىمىزدە ارنايى باعدارلامالار ازىرلەندى. كەزەكتە تۇرعان ازاماتتاردى تۇرعىن ۇيمەن قامتۋ ۇشىن تۇرعىن ۇيلەر كوپتەپ سالىنۋدا. بۇگىندە قالامىزدا 43 مىڭنان استام ادام كەزەكتە تۇر. سوندىقتان ۇيلەردىڭ قۇرىلىسىن جەدەلدەتۋىمىز كەرەك. قۇرىلىس جۇمىستارىن ۇزدىكسىز جۇرگىزۋ ءۇشىن دە شىمكەنتتىڭ اۋا
رايىدا ىڭعايلى. قاجەت بولسا، تۇيتكىلدى ماسەلەلەردى شۇعىل شەشۋ ءۇشىن اپتا سايىن كەزدەسىپ وتىرايىق»،- دەدى م.ايتەنوۆ.
سونىمەن قاتار، قۇرىلىس اۋماعىنىڭ تازالىعىنا كوڭىل ءبولۋدى، اركىم ءوز جۇمىسىندا باسقاسىنىڭ ەڭبەگىن باعالاۋ كەرەكتىگىن ايتتى.
«نۇرلى جەر» مەملەكەتتىك باعدارلاماسى شەڭبەرىندە تۇران شاعىن اۋدانىنداعى 25, 26, 28, 29 ورامداردا بيۋدجەت ەسەبىنەن 88 ءۇيدىڭ قۇرىلىسى جوسپارلانعان. ونىڭ ىشىندە 47 ءۇي، ياعني 3144 پاتەر 2020-2021 جىلى پايدالانۋعا بەرىلگەن.
وسى جىلى اتالعان شاعىن اۋداندا جالپى 2700 پاتەرلى كوپقاباتتى 50 تۇرعىن ءۇيدىڭ قۇرىلىسى باستالادى.
قازىر جوبالاۋ-سمەتالىق قۇجاتتاماسى ازىرلەنۋدە.
شىمكەنت قالاسى اكىمدىگىنىڭ ءباسپاسوز قىزمەتى
