بۇگىن شىمكەنت قالاسىنىڭ اكىمى مۇرات ايتەنوۆ اۆتوماتتاندىرىلعان گاز تاراتۋ ستانساسىنىڭ ىسكە قوسۋ جۇمىستارى بويىنشا جۇرگىزىلىپ جاتقان تەحنيكالىق دايىندىق جۇمىستارىمەن تانىستى.
قالا اكىمى اگرس-ز - ستراتەگيالىق نىسان بولعاندىقتان ىسكە قوسۋ جۇمىسىندا قاتەلىككە جول بەرىلمەۋىن ەسكەرتتى. سونىمەن بىرگە، گازبەن قامتۋدىڭ قالا تۇرعىندارىنىڭ ءومىر سۇرۋىنە قولايلى جاعداي جاساۋداعى ماڭىزدىلىعىن اتاپ ءوتتى.
وتكەن جىلى اگرس-3 نىسانىنىڭ گاز قۇبىرىنا گيدراۆليكالىق سىعىمداۋ جۇمىستارى جۇرگىزۋ بارىسىندا ورناتىلعان قۇرال-جابدىقتار گيدروقىسىمدى كوتەرمەي، ىستەن شىققان بولاتىن. سول سەبەپتەن، گاز قۇبىرىن قاۋىپسىز پايدالانۋ جانە قۇبىردىڭ قىزمەت ەتۋ مەرزىمىن ارتتىرۋ ماقساتىندا رەسسەيدەن 7 دانا ءتيىستى قۇرال-جابدىق الىنىپ، قايتا ورناتىلدى. قازىرگى تاڭدا سىعىمداۋ جۇمىستارى جۇرگىزىلىپ، قۇبىرلار سىناقتان وتۋدە. تەحنيكالىق ىسكە قوسۋ جۇمىسىنا شەتەلدىك ماماندار تارتىلعان.
گاز تاراتۋ ستانساسى ىسكە قوسىلعاندا، گاز قۇبىرلارى تارتىلعان ەلدى مەكەندەرگە كوگىلدىر وتىن بەرىلە باستايدى.
شىمكەنت قالاسى اكىمدىگىنىڭ ءباسپاسوز قىزمەتى
