Búgin Shymkent qalasynyń ákimi Murat Áıtenov avtomattandyrylǵan gaz taratý stansasynyń iske qosý jumystary boıynsha júrgizilip jatqan tehnıkalyq daıyndyq jumystarymen tanysty.
Qala ákimi AGRS-Z - strategııalyq nysan bolǵandyqtan iske qosý jumysynda qatelikke jol berilmeýin eskertti. Sonymen birge, gazben qamtýdyń qala turǵyndarynyń ómir súrýine qolaıly jaǵdaı jasaýdaǵy mańyzdylyǵyn atap ótti.
Ótken jyly AGRS-3 nysanynyń gaz qubyryna gıdravlıkalyq syǵymdaý jumystary júrgizý barysynda ornatylǵan qural-jabdyqtar gıdroqysymdy kótermeı, isten shyqqan bolatyn. Sol sebepten, gaz qubyryn qaýipsiz paıdalaný jáne qubyrdyń qyzmet etý merzimin arttyrý maqsatynda Resseıden 7 dana tıisti qural-jabdyq alynyp, qaıta ornatyldy. Qazirgi tańda syǵymdaý jumystary júrgizilip, qubyrlar synaqtan ótýde. Tehnıkalyq iske qosý jumysyna sheteldik mamandar tartylǵan.
Gaz taratý stansasy iske qosylǵanda, gaz qubyrlary tartylǵan eldi mekenderge kógildir otyn berile bastaıdy.
Shymkent qalasy ákimdiginiń baspasóz qyzmeti
