جۋرناليست ايدوس جۇقانۇلى ەلدەگى اۋىر جاعداي كەزىندە «ديۆان» ساراپشىلار كوتەرە باستاعان بيلەۋشى «نۇر وتان» پارتيياسىن تاراتۋ ماسەلەسىنە ءوز پىكىرىن ءبىلدىردى.
«نۇر وتان - داعدارىس جاعدايىندا قوعام مەن بيلىكتى پروگرەسسيۆتى رەفورمالاردى ىسكە اسىرۋ ءۇشىن جۇمىلدىرا الاتىن جالعىز ساياسي كۇش. پارتيادا 800 مىڭنان استام ادام بار. پارتيا بارلىق وڭىرلەردە، قالالاردا جانە اۋىلدىق جەرلەردە جۇمىس ىستەيدى. بۇل جۇمىس ىستەپ تۇرعان جۇيەلى مەحانيزم، 20 جىلدا كامپانيالاردى وتكىزۋدە ۇلكەن ەلەكتورالدىق تاجىريبە جيناقتاعان. بۇل بۇكىل ەل بويىنشا كادرلىق، ۇيىمداستىرۋشىلىق، ينفراقۇرىلىمدىق جانە باسقا دا رەسۋرستار، ەڭ باستىسى – پارلامەنت پەن بارلىق دەڭگەيدەگى ماسليحاتتارداعى كوپشىلىك»، - دەپ جازادى جۋرناليست ءوزىنىڭ Facebook جەلىسىندەگى جازباسىندا.
ءجۋرناليستتىڭ ايتۋىنشا, حالىق شەنەۋنىكتەردىڭ ارەكەتتەرىنە نەمەسە ارەكەتسىزدىگىنە شاعىمدانىپ كەلەتىن قوعامدىق قابىلداۋلار حالىقپەن وتە ءتيىمدى جۇمىس ىستەيدى. كوپتەگەن ماسەلەلەر ءبىرىنشى كەلگەننەن كەيىن شەشىلەدى. پارتيا ازاماتتاردىڭ اماناتتارىنىڭ ورىندالۋىن باقىلاۋعا الادى، سونداي-اق ءارتۇرلى مەملەكەتتىك ورگانداردى ىسكە قوسىپ، ولاردىڭ ماسەلەنى شەشۋىنە ىقپال ەتەدى.
«داعدارىستىق، قايعىلى ساتتەردە ءدال وسى نۇروتاندىقتار مايداننىڭ الدىنعى شەبىندە ءاردايىم بولدى. ولار قىسقا مەرزىم ىشىندە قايىرىمدىلىق اكتسيالارىن ۇيىمداستىردى، ارىس قالاسىنداعى جارىلىستان نەمەسە ماقتاارال اۋدانىنداعى سۋ تاسقىنىنان كەيىن، سونداي-اق پاندەميا كەزەڭىندە زارداپ شەككەن وڭىرلەردىڭ تۇرعىندارى ءۇشىن گۋمانيتارلىق كومەك جينادى. بۇل سايلاۋ الدىندا ۇپاي جيناۋ ءۇشىن ءبىر رەتتىك نەمەسە جارنامالىق اكتسيالار عانا ەمەس، قاراپايىم ادامدارعا ايتارلىقتاي كومەك بولدى. «Birgemiz» قورىنىڭ جۇمىسى كوپشىلىكتىڭ ەسىندە قالدى، ول ارقىلى پاندەميا جاعدايىندا بيزنەسمەندەر جيناعان 34 ملرد تەڭگە سوماسىنا ەكى ميلليوننان استام قازاقستاندىق جەدەل كومەك الدى. نازار اۋدارىڭىز، ءبىر دە ءبىر كۇمان، داۋ تۋعان جوق. بارلىعى تەز ءارى اشىق جاسالدى، ءار تەڭگە ادرەساتقا دەيىن جەتتى» - دەپ اتاپ وتەدى ايدوس جۇقانۇلى.
ول ءوز جازباسىندا بيلەۋشى پارتيا قايتا جاڭعىرتۋدان ءوتىپ، ءوز قاتارىن تازارتقانىن، پرايمەريز ارقىلى ءوز قاتارىنا جاڭا كوشباسشىلاردى، بەلسەندىلەردى، ءتۇرلى سالالارداعى ساراپشىلاردى تارتقانىن تىلگە تەك ەتكەن.
“ادىرنا” ۇلتتىق پورتالى
