Jýrnalıst Aıdos Juqanuly eldegi aýyr jaǵdaı kezinde «dıvan» sarapshylar kótere bastaǵan bıleýshi «Nur Otan» partııasyn taratý máselesine óz pikirin bildirdi.
«Nur Otan - daǵdarys jaǵdaıynda qoǵam men bılikti progressıvti reformalardy iske asyrý úshin jumyldyra alatyn jalǵyz saıası kúsh. Partııada 800 myńnan astam adam bar. Partııa barlyq óńirlerde, qalalarda jáne aýyldyq jerlerde jumys isteıdi. Bul jumys istep turǵan júıeli mehanızm, 20 jylda kampanııalardy ótkizýde úlken elektoraldyq tájirıbe jınaqtaǵan. Bul búkil el boıynsha kadrlyq, uıymdastyrýshylyq, ınfraqurylymdyq jáne basqa da resýrstar, eń bastysy – Parlament pen barlyq deńgeıdegi máslıhattardaǵy kópshilik», - dep jazady jýrnalıst óziniń Facebook jelisindegi jazbasynda.
Jýrnalısttiń aıtýynsha, halyq sheneýnikterdiń áreketterine nemese áreketsizdigine shaǵymdanyp keletin qoǵamdyq qabyldaýlar halyqpen óte tıimdi jumys isteıdi. Kóptegen máseleler birinshi kelgennen keıin sheshiledi. Partııa azamattardyń amanattarynyń oryndalýyn baqylaýǵa alady, sondaı-aq ártúrli memlekettik organdardy iske qosyp, olardyń máseleni sheshýine yqpal etedi.
«Daǵdarystyq, qaıǵyly sátterde dál osy nurotandyqtar maıdannyń aldynǵy shebinde árdaıym boldy. Olar qysqa merzim ishinde qaıyrymdylyq akııalaryn uıymdastyrdy, Arys qalasyndaǵy jarylystan nemese Maqtaaral aýdanyndaǵy sý tasqynynan keıin, sondaı-aq pandemııa kezeńinde zardap shekken óńirlerdiń turǵyndary úshin gýmanıtarlyq kómek jınady. Bul saılaý aldynda upaı jınaý úshin bir rettik nemese jarnamalyq akııalar ǵana emes, qarapaıym adamdarǵa aıtarlyqtaı kómek boldy. «Birgemiz» qorynyń jumysy kópshiliktiń esinde qaldy, ol arqyly pandemııa jaǵdaıynda bıznesmender jınaǵan 34 mlrd teńge somasyna eki mıllıonnan astam qazaqstandyq jedel kómek aldy. Nazar aýdaryńyz, bir de bir kúmán, daý týǵan joq. Barlyǵy tez ári ashyq jasaldy, ár teńge adresatqa deıin jetti» - dep atap ótedi Aıdos Juqanuly.
Ol óz jazbasynda bıleýshi partııa qaıta jańǵyrtýdan ótip, óz qataryn tazartqanyn, praımerız arqyly óz qataryna jańa kóshbasshylardy, belsendilerdi, túrli salalardaǵy sarapshylardy tartqanyn tilge tek etken.
“Adyrna” ulttyq portaly
