شىمكەنتتە 5 قاڭتاردان باستاپ ەنگىزىلگەن توتەنشە جاعدايعا بايلانىستى وقۋشىلار مەن ستۋدەنتتەردىڭ قىسقى دەمالىسى ۇزارتىلدى. ال بالاباقشالار شتاتتىق رەجيمدە جۇمىس ىستەيدى. سونىمەن قاتار 10 قاڭتار مەن 10 اقپان ارالىعىندا وتكىزىلۋگە جوسپارلانعان ۇلتتىق بىرىڭعاي تەستىلەۋگە دە وزگەرىستەر ەنگىزىلدى. بۇل تۋرالى شىمكەنت قالالىق ءبىلىم باسقارماسىنىڭ باسشىسى جانات تاجيەۆا مالىمدەدى.
جانات ارىسبەكقىزى قر ءبىلىم جانە عىلىم مينيسترلىگىنىڭ تىكەلەي بۇيرىعىمەن مەكتەپتەردە قىسقى دەمالىس 17 قاڭتارعا دەيىن، ال كوللەدجدەر مەن جوو ستۋدەنتتەرىنىڭ دەمالىسى 24 قاڭتارعا دەيىن ۇزارتىلعانىن جەتكىزدى. ەلىمىزدە توتەنشە جاعداي رەجيمىنىڭ ەنگىزىلۋىنە بايلانىستى 2022 جىلعى 10 قاڭتار مەن 10 اقپانعا جوسپارلانعان ۇلتتىق بىرىڭعاي تەستىلەۋ (بۇدان ءارى - ۇبت) 25 قاڭتار مەن 22 اقپان ارالىعىندا وتكىزىلەتىن بولادى. بۇل رەتتە، 11 قاڭتار مەن 24 قاڭتار ارالىعىنداعى جوسپارلانعان ۇبت كەلەسى كۇندەرگە:
- 11 قاڭتاردا وتكىزىلەتىن ۇبت 29 قاڭتارعا;
- 12 قاڭتارداعى ۇبت – 5 اقپانعا;
- 13 قاڭتارداعى ۇبت – 11 اقپانعا;
- 14 قاڭتارداعى ۇبت – 12 اقپانعا;
- 15 قاڭتارداعى ۇبت – 21 اقپانعا;
- 17 قاڭتارداعى ۇبت – 14 اقپانعا;
- 18 قاڭتارداعى ۇبت – 15 اقپانعا;
- 19 قاڭتارداعى ۇبت – 16 اقپانعا;
- 20 قاڭتارداعى ۇبت – 17 اقپانعا;
- 21 قاڭتارداعى ۇبت – 18 اقپانعا;
- 24 قاڭتارداعى ۇبت – 19 اقپانعا شەگەرىلەتىن بولادى. ال، باسقا مەرزىمگە جوسپارلانعان ۇبت ءوز ۋاقىتىمەن وتەتىن بولادى. سونىمەن قاتار، ۇبت-عا وتىنىشتەردى قابىلداۋ مەرزىمى 2022 جىلعى 21 قاڭتارعا دەيىن ۇزارتىلاتىنىن اتاپ ءوتتى.
– جوعارى جانە جوعارى وقۋ ورنىنان كەيىنگى ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىنىڭ ءبىلىم الۋشىلارى مەن مەكتەپ وقۋشىلارىنا ۇبت مەرزىمىنىڭ وزگەرگەنى تۋرالى حابارلايمىز. تەستىلەنۋشى وزگەرگەن تەستىلەۋ كۇنىمەن جەكە كابينەتىنەن تانىسا الادى. پرەزيدەنتىمىز ق.ك. توقاەۆتىڭ سىن ساعاتتا جانىمىزدا بولىپ، بارلىق احۋالدى بىردەن باقىلاۋعا الىپ، حالقىنا ارناعان ۇندەۋىن تىڭداپ، جاعدايدىڭ جاقساراتىنىنا سەندىك. ەگەمەن ەل رەتىندە قۋاتتى مەملەكەتكە اينالاتىنىمىزعا سەنەمىز. قالامىزداعى جاعدايلارعا بايلانىستى اتا-انالارعا بالالارىنىڭ قاۋىپسىزدىگىن قامتاماسىز ەتۋلەرىن، ۇيدەن شىعارماي ۇستاۋلارىن جانە ۇنەمى ەرەسەك ادامداردىڭ جانىندا بولۋىن قاداعالاۋلارىڭىزدى سۇرانامىز، - دەدى ج.تاجيەۆا.
