مەملەكەت باسشىسى قاسىم-جومارت توقاەۆ قازاقستاندا تەرروريستىك شابۋىل دايىندالعانىن راستايتىن دالەلدەردى الەمدىك قوعامداستىق سوتىنا ۇسىناتىنىن ايتتى، دەپ حابارلايدى "ادىرنا" ۇلتتىق پورتالى.
جۋىق ارادا، الدىن الا تەرگەۋلەر اياقتالعاننان كەيىن، ءبىز الەمدىك قوعامداستىق سوتىنا ەلىمىزگە قارسى جۇرگىزىلگەن تەرروريستىك شابۋىل دايىندىعى مەن ونى جۇرگىزۋگە قاتىستى قوسىمشا دالەلدەر ۇسىنامىز. بۇۇ، ەقىۇ، شىۇ، اوسشك، سونداي-اق حالىقارالىق گۋمانيتارلىق ۇيىمدار قاسكويلەردىڭ، تەرروريستەردىڭ، قىلمىسكەرلەردىڭ زاڭسىز ارەكەتتەرىنىڭ تولىق ءارى ءادىل تەرگەلۋىنە مۇددەلى ەكەنىنە سەنىمدىمىن، - دەدى توقاەۆ.
سونىمەن قاتار، مەملەكەت باسشىسى اسىعىس تۇجىرىم جاساۋدىڭ قاجەتى جوق ەكەنىن ايتتى. توقاەۆ قازاقستان بۇل قيىن كەزەڭدى جەڭىپ شىعاتىنىنا سەنگەندەرگە العىس ءبىلدىردى.
قازاقستان ءوزىنىڭ جاڭا تاريحىنداعى ەڭ قيىن كەزەڭدى ەڭسەرەدى دەپ و باستا سەنىم ارتقانداردىڭ بارىنە العىس ايتامىن. بۇل، اسىرەسە، ۇقشۇ-عا قاتىستى. ۇقشۇ-نىڭ قازاقستانداعى بىتىمگەرلىك الەۋەتىن ىقپالداسا وتىرىپ، بارىنشا قاۋىپسىز، ءتيىمدى ءارى قىسقا مەرزىمگە پايدالاناتىنىمىزعا سەنىمدىمىن، - دەدى توقاەۆ.
"ادىرنا" ۇلتتىق پورتالى
