Memleket basshysy Qasym-Jomart Toqaev Qazaqstanda terrorıstik shabýyl daıyndalǵanyn rastaıtyn dálelderdi álemdik qoǵamdastyq sotyna usynatynyn aıtty, dep habarlaıdy "Adyrna" ulttyq portaly.
Jýyq arada, aldyn ala tergeýler aıaqtalǵannan keıin, biz álemdik qoǵamdastyq sotyna elimizge qarsy júrgizilgen terrorıstik shabýyl daıyndyǵy men ony júrgizýge qatysty qosymsha dálelder usynamyz. BUU, EQYU, ShYU, AÓSShK, sondaı-aq halyqaralyq gýmanıtarlyq uıymdar qaskóılerdiń, terrorısterdiń, qylmyskerlerdiń zańsyz áreketteriniń tolyq ári ádil tergelýine múddeli ekenine senimdimin, - dedi Toqaev.
Sonymen qatar, Memleket basshysy asyǵys tujyrym jasaýdyń qajeti joq ekenin aıtty. Toqaev Qazaqstan bul qıyn kezeńdi jeńip shyǵatynyna sengenderge alǵys bildirdi.
Qazaqstan óziniń jańa tarıhyndaǵy eń qıyn kezeńdi eńseredi dep o basta senim artqandardyń bárine alǵys aıtamyn. Bul, ásirese, UQShU-ǵa qatysty. UQShU-nyń Qazaqstandaǵy bitimgerlik áleýetin yqpaldasa otyryp, barynsha qaýipsiz, tıimdi ári qysqa merzimge paıdalanatynymyzǵa senimdimin, - dedi Toqaev.
"Adyrna" ulttyq portaly
