ماڭعىستاۋ وبلىسىنىڭ اكىمى جەرگىلىكتى حالىقپەن كەزدەستى

3889
Adyrna.kz Telegram

ماڭعىستاۋ وبلىسىنىڭ اكىمى نۇرلان نوعاەۆ جاڭاوزەن قالاسىندا گاز باعاسىن تومەندەتۋدى تالاپ ەتكەن كولىك يەلەرىمەن كەزدەستى، دەپ حابارلايدى "ادىرنا" ۇلتتىق پورتالىنىڭ ءتىلشىسى وبلىس اكىمىنىڭ ءباسپاسوز قىزمەتىنە سىلتەمە جاساپ.

نۇرلان نوعاەۆ جينالعاندارعا مەملەكەت باسشىسى قاسىم-جومارت توقاەۆتىڭ تاپسىرماسى بويىنشا گازعا باعا بەلگىلەۋگە قاتىستى ۇكىمەت قابىلداعان شارالاردى ءتۇسىندىردى.

قازىرگى ۋاقىتتا قازاقستان رەسپۋبليكاسىنىڭ پرەمەر-ءمينيسترى اسقار ءماميننىڭ وكىمىمەن ماڭعىستاۋ وبلىسىنىڭ الەۋمەتتىك-ەكونوميكالىق جاعدايىن قاراۋ جونىندەگى ۇكىمەتتىك كوميسسيا قۇرىلعانىن، ولار گازدىڭ باعاسىن رەتتەۋ بويىنشا كەشەندى شارالاردى جۇزەگە اسىرۋعا نيەتتى ەكەنىن ايتتى.

اكىم وڭىردەگى جانار-جاعارماي قۇيۋ بەكەتتەرىنىڭ يەلەرى بيزنەستىڭ الەۋمەتتىك جاۋاپكەرشىلىگى اياسىندا گازدىڭ ءليترىن 120 تەڭگەدەن 85-90 تەڭگەگە دەيىن تومەندەتۋگە بەلسەندى شەشىم قابىلداعانىن ايتتى.

- باعا دالىزدەرىن قۇرۋ جانە جانارماي باعاسىنىڭ الىپساتارلىق وسۋىنە جول بەرمەۋ ارقىلى باعانىڭ ۇزاق مەرزىمدى تۇراقتىلىعىن قامتاماسىز ەتۋ بويىنشا جۇيەلى شارالار قابىلدانادى. جانارماي قۇيۋ بەكەتتەرىنىڭ يەلەرىنە قاتىستى باسەكەلەستىكتى قورعاۋ جانە دامىتۋ اگەنتتىگى تەكسەرۋدى باستادى، - دەدى نۇرلان نوعاەۆ.

وبلىس اكىمى جينالعانداردى ماسەلەلەردى زاڭدى جولمەن، سىندارلى ديالوگ ارقىلى شەشۋگە شاقىردى.

"ادىرنا" ۇلتتىق پورتالى

پىكىرلەر