جاڭاوزەندە تاعى دا ەل ەرەۋىلگە شىقتى. سەبەپ - سۇيىتىلعان گازدىڭ قىمباتتاۋى.
مۇناي مەن گازدىڭ ۇستىندە وتىرىپ گازدى قىمباتتاتۋ دەگەن قانداي ۇعىمعا سيادى؟
الدە بۇل تاعى دا، قاراپايىم حالىقتىڭ شىدامىن سىناۋ ما؟!.
بۇنداي كەلەڭسىزدىككە قر پرەزيدەنتى ق.توقاەۆ دەر كەزىندە ءۇن قاتتى.
“ۇكىمەتكە جاكاوزەندەگى جاعدايدى ەكونوميكالىق تۇرعىدان ەسكەرىپ، قۇقىقتىق جاعىنان تەز ارادا قاراستىرۋدى تاپسىردىم.
شەرۋگە شىققاندار قوعامدىق ءتارتىپتى بۇزباۋى ءتيىس.
ازاماتتاردىڭ جەرگىلىكتى جانە ورتالىق بيلىك ورگاندارىنا تالابىن اشىق ايتۋعا قۇقى بار. بىراق بۇل زاڭعا، ناقتىراق ايتقاندا، بەيبىت شەرۋلەر تۋرالى زاڭعا سايكەس اتقارىلۋى ءتيىس” -دەپ مالىمدەدى.
مۇناي مەن گاز ءوندىرىپ جاتىپ، گازعا جارىماۋ دەگەن وليگارحتارى ۇكىمەتتەن كۇشتى ءبىزدىڭ ەلدە عانا بولاتىن جاعداي شىعار…
ەلدىڭ جاعدايى جاقسارۋى ءۇشىن، حالىقتىڭ ورىندى تالابى ورىندالۋى ءتيىس!
قازىبەك يسا،
قر پارلامەنتى ءماجىلىسىنىڭ دەپۋتاتى
