سۇيىتىلعان گاز وندىرۋشىلەر مۇناي ونىمدەرىن ەلەكتروندىق ساۋدا-ساتتىق ارقىلى ساتۋعا كوشتى

1060

2019 جىلى «گاز جانە گازبەن جابدىقتاۋ تۋرالى» قر زاڭىنا سايكەس ەلەكتروندىق ساۋدا الاڭدارى ارقىلى سۇيىتىلعان مۇناي گازى (بۇدان ءارى – سمگ) ساۋدا-ساتتىعىنا ءوتۋ باستالدى.

ءۇش جىل ىشىندە (2019-202 جج.) كەزەڭ-كەزەڭمەن ەسا ارقىلى وتكىزىلەتىن سۇيىتىلعان گاز كولەمى ۇلعايدى. 2022 جىلعى 1 قاڭتاردان باستاپ سمگ ساۋدا-ساتتىعىنىڭ تاۋار بيرجالارى ارقىلى 100% ءوتۋى جۇزەگە اسىرىلدى (سمگ-نى مۇناي-گاز-حيمياسى ونىمدەرىن ءوندىرۋ ءۇشىن شيكىزات رەتىندە پايدالاناتىن ونەركاسىپتىك تۇتىنۋشىلار جانە توپتىق رەزەرۆۋارلىق قوندىرعىلار ارقىلى سمگ-نى تۇتىناتىن ابونەنتتەر ءۇشىن سمگ-نى وتكىزۋدى قوسپاعاندا).

سمگ-نى ەلەكتروندىق ساۋدا-ساتتىق ارقىلى وتكىزۋ نارىقتىڭ بارلىق قاتىسۋشىلارى ءۇشىن تەڭ جانە كەمسىتپەيتىن جاعدايلار جاسايدى جانە سمگ-نىڭ قاجەتتى كولەمدەرىن تىكەلەي وندىرۋشىلەردەن ساتىپ الۋعا مۇمكىندىك بەرەدى.

قازاقستاندا سۇيىتىلعان مۇناي گازىن تۇتىنۋ جىل سايىن ءوسىپ كەلە جاتقانى بەلگىلى. بۇل رەتتە سمگ ءوندىرىسىنىڭ كولەمى ۇلعايماي، وتكەن جىلدار دەڭگەيىندە قالدى.

ەلەكتروندىق ساۋداعا كوشۋ سۇرانىس پەن ۇسىنىس نەگىزىندە سمگ-عا باعانى تەڭدەستىرۋگە مۇمكىندىك بەرەدى، بۇل جاڭا وندىرىستىك قۋاتتاردى قۇرۋعا ينۆەستيتسيالار تارتۋعا مۇمكىندىك بەرەدى.

سونىمەن قاتار، نارىقتىق مەحانيزمدەر باسەكەلەستىكتىڭ دامۋىنا وڭ اسەر ەتەدى، ءونىمدى ەمەس دەلدالداردىڭ نارىققا اسەرىن ازايتادى، شاعىن جانە ورتا بيزنەستى دامىتۋ ءۇشىن قولايلى جاعدايلار جاسايدى.

ەسا-عا كوشكەنگە دەيىن سۇيىتىلعان مۇناي گازىنىڭ باعاسى وندىرۋشىلەر ءۇشىن شىعىندى بولدى، ويتكەنى ول ءوزىنىڭ وزىندىك قۇنىنان تومەن باعامەن جىبەرىلدى.

2022 جىلعى قاڭتار ايىنا ءونىم بەرۋشىلەر ماڭعىستاۋ وبلىسى ءۇشىن وندىرۋشىلەردەن 17 406 توننا سۇيىتىلعان مۇناي گازىن (بەرۋ جوسپارى بويىنشا بولىنگەندەردەن 96,5%) ساتىپ الدى.

20-24 جەلتوقسان ارالىعىندا ەلەكتروندىق ساۋدا الاڭىندا (ەسا) بەس ساۋدا سەسسياسى وتكىزىلدى، ونىڭ بارىسىندا سۇرانىس پەن ۇسىنىس نەگىزىندە سۇيىتىلعان مۇناي گازىنىڭ باعاسى قالىپتاستى.

ماسەلەن، ماڭعىستاۋ وبلىسىنا قاڭتار ايىندا سۇيىتىلعان گازدى جەتكىزۋدىڭ ورتاشا كوتەرمە باعاسى تونناسىنا 133 126 تەڭگەنى نەمەسە ليترىنە 78 تەڭگەنى قۇرادى. بۇل رەتتە بولشەك ساۋدا باعاسى اقتاۋ، جاڭاوزەن قالالارىندا، سونداي-اق ماڭعىستاۋ اۋدانىندا ليترىنە 100-120 تەڭگەنى قۇرادى. جالپى، قاڭتار ايىنىڭ ساۋدا سەسسيالارى شتاتتىق رەجيمدە ءوتتى، نارىقتىق مەحانيزم وڭىرلەردىڭ قاجەتتىلىكتەرىن سمگ-نىڭ قاجەتتى كولەمىمەن رەتتەدى، ولار قازىرگى ۋاقىتتا وڭىرلەرگە جونەلتىلۋ پروتسەسىندە.

 

"ادىرنا" ۇلتتىق پورتالى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket