ۇلتتىق ەكونوميكا مينيسترلىگى بارلىق شەتەلدىك ينتەرنەت-كومپانيالاردى مەملەكەت قازىناسىنا قوسىمشا قۇن سالىعىن تولەۋگە مىندەتتەيتىن سالىق كودەكسىنە تۇزەتۋلەر ەنگىزدى، دەپ حابارلايدى "ادىرنا" ۇلتتىق پورتالى "ينتەرفاكسكە" سىلتەمە جاساپ.
وزگەرىستەر 1 قاڭتاردان باستاپ كۇشىنە ەندى، سالىق ساتىلعان تاۋارلار مەن قىزمەتتەردىڭ سوماسىنىڭ 12%-ىن قۇرايدى. ۆەدومستۆو بۇل مەملەكەت بيۋدجەتىنە جىلىنا ەكى ميلليارد تەڭگە تارتۋعا مۇمكىندىك بەرەدى دەپ كۇتۋدە. كومپانيالار تىركەلۋدىڭ قاجەتى جوق، بىراق ولار سالىق ورگاندارىنا قوسىمشا قۇن سالىعىن تولەۋگە دايىن ەكەندىگى تۋرالى حابارلاۋى كەرەك.
15 قىركۇيەكتە ءماجىلىس بالا قۇقىعىن قورعاۋ تۋرالى زاڭ جوباسىن ءبىرىنشى وقىلىمدا ماقۇلدادى. وعان بيلىكتەگى Nur Otan پارتياسىنىڭ دەپۋتاتتارى ايدوس سارىم مەن دينارا زاكيەۆا باستاماشى بولدى.
جارلىق شەتەلدىك الەۋمەتتىك جەلىلەر مەن مەسسەندجەرلەردى قازاقستانداعى وكىلدىكتەرىن تىركەۋگە جانە بيلىكتىڭ تالابى بويىنشا 24 ساعات ىشىندە "تىيىم سالىنعان اقپاراتتى" جويۋعا مىندەتتەيدى. ايتپەسە، ولار بۇعاتتالادى. زاڭنىڭ قابىلدانۋ قاجەتتىگىن شەنەۋنىكتەر بالالارعا قامقورلىق جاساپ، ولاردى ينتەرنەتتەگى بۇزاقىلىقتان قورعاۋعا تىرىسۋمەن تۇسىندىرەدى.
الەۋمەتتىك جەلىلەر مەن مەسسەندجەرلەرگە مەملەكەتتىك باقىلاۋدى كۇشەيتۋ تۋرالى ەرەجەلەر جاپپاي نارازىلىق پەن ۇرەي تۋعىزدى. زاڭ جوباسىنىڭ قازىرگى رەداكتسياسىندا "ونلاين-پلاتفورما" جانە "ينتەرنەت-رەسۋرس" سياقتى تۇجىرىمدار پايدالانىلادى، ولاردىڭ قۇرامىندا قازاقستاندىق باق سايتتارى دا بولۋى مۇمكىن.
"ادىرنا" ۇلتتىق پورتالى.
