Ulttyq ekonomıka mınıstrligi barlyq sheteldik ınternet-kompanııalardy memleket qazynasyna qosymsha qun salyǵyn tóleýge mindetteıtin Salyq kodeksine túzetýler engizdi, dep habarlaıdy "Adyrna" ulttyq portaly "Interfakske" silteme jasap.
Ózgerister 1 qańtardan bastap kúshine endi, salyq satylǵan taýarlar men qyzmetterdiń somasynyń 12%-yn quraıdy. Vedomstvo bul memleket bıýdjetine jylyna eki mıllıard teńge tartýǵa múmkindik beredi dep kútýde. Kompanııalar tirkelýdiń qajeti joq, biraq olar salyq organdaryna qosymsha qun salyǵyn tóleýge daıyn ekendigi týraly habarlaýy kerek.
15 qyrkúıekte Májilis bala quqyǵyn qorǵaý týraly zań jobasyn birinshi oqylymda maquldady. Oǵan bıliktegi Nur Otan partııasynyń depýtattary Aıdos Sarym men Dınara Zákıeva bastamashy boldy.
Jarlyq sheteldik áleýmettik jeliler men messendjerlerdi Qazaqstandaǵy ókildikterin tirkeýge jáne bıliktiń talaby boıynsha 24 saǵat ishinde "tyıym salynǵan aqparatty" joıýǵa mindetteıdi. Áıtpese, olar buǵattalady. Zańnyń qabyldaný qajettigin sheneýnikter balalarǵa qamqorlyq jasap, olardy ınternettegi buzaqylyqtan qorǵaýǵa tyrysýmen túsindiredi.
Áleýmettik jeliler men messendjerlerge memlekettik baqylaýdy kúsheıtý týraly erejeler jappaı narazylyq pen úreı týǵyzdy. Zań jobasynyń qazirgi redakııasynda "onlaın-platforma" jáne "ınternet-resýrs" sııaqty tujyrymdar paıdalanylady, olardyń quramynda qazaqstandyq BAQ saıttary da bolýy múmkin.
"Adyrna" ulttyq portaly.
