2019 جىلدىڭ 13 قازانىندا الماتى قالاسىنداعى "مەدەۋ" بيىك تاۋلى سپورت كەشەنىنىڭ اۋماعىندا "Nur Otan" پارتياسى توراعاسىنىڭ ءبىرىنشى ورىنباسارى باۋىرجان قىدىرعاليۇلى بايبەكتىڭ قاتىسۋىمەن مەملەكەتتىك تۋدى كوتەرۋ سالتاناتتى ءراسىمى وتكەن بولاتىن. سودان «مەنىڭ تۋىم، مەنىڭ وتانىم!» اتتى پاتريوتتىق اكتسياسى ەلدىڭ بارلىق وڭىرلەرىندە ىسكە اسىرىلدى. قالامىزداعى 200-گە جۋىق نىسانداردا، جوو مەن ورتا ارناۋلى جانە مەكتەپتەردە، ۇلكەن ساۋدا ورتالىقتارى مەن تۋريستىك جانە قوعامدىق ورىندارىندا كوك تۋىمىزدى سالتاناتتى تۇردە ءىلىنىپ، پارتيا فيليالى وسى پاتريوتتىق اكتسياعا بەلسەنە قاتىستى.
«سەرپىلىس» قوعامدىق قورىنىڭ باستاۋىمەن رەسپۋبليكا دەڭگەيىندە «كوك تۋدىڭ جەلبىرەگەنى» ەستافەتاسى زور ماڭىزعا يە بولدى. كوك بايراعىمىز تەك قازاقستاندا ەمەس، شەت ەلدەردە جەلبىرەدى. اتالمىش اكتسيانى قورىتىندىلاۋ ماقساتىندا «تاۋەلسىزدىكپەن ديالوگ» اتتى ءىس-شاراسىندا ەستافەتانى قولداعان بەلسەندىلەر ماراپاتتالدى.
ماراپات يەلەرىنە «سەرپىلىس» قوعامدىق قورىنىڭ ۆولونتەرلەرى، جاس كاسىپكەرلەر ۇلان، نارۇل شامرەكتەردىڭ دەمەۋشىلىگىمەن كوك تۋ مەن ەرەكشە قوراپشاسى سىيعا تابىستالدى. سونداي-اق، «Nur Otan» پارتياسى ساياسي كەڭەسىنىڭ مۇشەسى، كاسىپكەر يسقاقوۆ تالعات جۇنىسبەكۇلى ەلىمىزگە بەلگىلى 4 ايتىسكەر اقىندى تاۋەلسىزدىكتىڭ 30 جىلدىعىمەن قۇتتىقتاپ، ارنايى سىي-سياپات تاپسىردى.
مەملەكەتتىك تۋىمىزدىڭ ماڭىزدىلىعىن اتاپ ءوتۋدىڭ ماقساتى – مەملەكەتتىك تۋدى ناسيحاتتاۋ جانە قازاقستاندىق جاستار اراسىندا پاتريوتيزمگە تاربيەلەۋ، قازاقستاندىقتاردىڭ مەملەكەتتىك تۋعا دەگەن تەرەڭ قۇرمەت سەزىمىن قالىپتاستىرۋ.
شىمكەنت قالاسىنىڭ
اقپاراتتىق-كوممۋنيكاتسيالىق ورتالىعى
