مينيستر ءبيبىسارا اساۋباەۆانى جەڭىسىمەن قۇتتىقتادى

3009
Adyrna.kz Telegram

17 جاستاعى شاحماتشى ءبيبىسارا اساۋباەۆا پولشادا بليتستەن وتكەن الەم چەمپيوناتىندا التىن مەدال يەلەندى. ونىڭ بۇل جەڭىسىمەن الەۋمەتتىك جەلىدە قر مادەنيەت جانە سپورت ءمينيسترى اقتوتى رپيىمقۇلوۆا قۇتتىقتادى دەپ حابارلايدى "ادىرنا" ۇلتتىق پورتالى.

"قۇرمەتتى بيبيسارا ەرحانقىزى! ءسىز الەم شاحماتى تاريحىنداعى ەڭ جاس الەم چەمپيونى اتاندىڭىز! ءسىزدى تاماشا جەڭىسىڭىزبەن قۇتتىقتايمىن! 17 جاسىڭىزدا ءسىز بليتستە جەڭىمپاز اتانىپ، ەرەسەكتەر اراسىنداعى الەم چەمپيوناتىندا جەڭىسكە جەتتىڭىز. بۇل قازاقستان تاريحىندا العاش رەت بولىپ وتىر.

ءسىزدىڭ جەڭىستەرىڭىز ۇلكەن تاڭدانىس، قۇرمەت جانە بۇكىلحالىقتىق ماحاببات تۋدىرادى! ءسىز ءوز جەتىستىكتەرىڭىز ارقىلى وتانىڭىز - قازاقستان رەسپۋبليكاسىنىڭ داڭقىن اسقاقتاتتىڭىز! سىزگە الەم بىرىنشىلىكتەرىندە جاڭا جەڭىستەر تىلەيمىن! سىزگە مىقتى دەنساۋلىق، قۋات، شىدامدىلىق تىلەيمىن. قازاقتىڭ داڭقتى قىزىنىڭ ەسىمى الەم شاحماتىنىڭ تاريحىنا التىن ارىپتەرمەن جازىلسىن!", — دەپ جازدى مينيستر.

ايتا كەتۋ كەرەك، بۇعان دەيىن قازاقستاندىق سپورتشى كلاسسيكالىق شاحماتتان 8, 10, 12 جانە 14 جاسقا دەيىنگى قىزدار اراسىندا الەم چەمپيونى، 7, 9 جاسقا دەيىنگى مەكتەپ وقۋشىلارى اراسىندا الەم چەمپيونى اتانعان. سونداي-اق، جۋىردا 17 جاسار ب.اساۋباەۆا تاماشا ونەر كورسەتىپ، وسى الەم چەمپيوناتى اياسىندا راپيدتەن (جىلدام شاحماتتان) 2-ورىندى جەڭىپ العان بولاتىن. 

 

"ادىرنا" ۇلتتىق پورتالى.

پىكىرلەر