17 jastaǵy shahmatshy Bıbisara Asaýbaeva Polshada blıten ótken álem chempıonatynda altyn medal ıelendi. Onyń bul jeńisimen áleýmettik jelide QR Mádenıet jáne sport mınıstri Aqtoty Rpıymqulova quttyqtady dep habarlaıdy "Adyrna" ulttyq portaly.
"Qurmetti Bıbısara Erhanqyzy! Siz álem shahmaty tarıhyndaǵy eń jas álem chempıony atandyńyz! Sizdi tamasha jeńisińizben quttyqtaımyn! 17 jasyńyzda Siz blıte jeńimpaz atanyp, eresekter arasyndaǵy álem chempıonatynda jeńiske jettińiz. Bul Qazaqstan tarıhynda alǵash ret bolyp otyr.
Sizdiń jeńisterińiz úlken tańdanys, qurmet jáne búkilhalyqtyq mahabbat týdyrady! Siz óz jetistikterińiz arqyly Otanyńyz - Qazaqstan Respýblıkasynyń dańqyn asqaqtattyńyz! Sizge álem birinshilikterinde jańa jeńister tileımin! Sizge myqty densaýlyq, qýat, shydamdylyq tileımin. Qazaqtyń dańqty qyzynyń esimi álem shahmatynyń tarıhyna altyn áriptermen jazylsyn!", — dep jazdy mınıstr.
Aıta ketý kerek, buǵan deıin qazaqstandyq sportshy klassıkalyq shahmattan 8, 10, 12 jáne 14 jasqa deıingi qyzdar arasynda álem chempıony, 7, 9 jasqa deıingi mektep oqýshylary arasynda álem chempıony atanǵan. Sondaı-aq, jýyrda 17 jasar B.Asaýbaeva tamasha óner kórsetip, osy álem chempıonaty aıasynda rapıdten (jyldam shahmattan) 2-oryndy jeńip alǵan bolatyn.
"Adyrna" ulttyq portaly.
