2021 جىل قازاقستاننىڭ مادەنيەت جانە سپورت سالاسى ءۇشىن ءبىراز جاڭالىقتارعا تولى بولدى. سان سوعىپ تا قالدىق، جەتكەن جەتىستىكتەر دە از ەمەس.
قازاقستان سپورتى - 2021
توكيو وليمپياداسىندا قازاقستان سەگىز قولا مەدالمەن جالپىكوماندالىق ەسەپتە 83-ورىن الدى. سپورتقا ميللياردتاعان قارجى ءبولىپ، سپورتشىلارىنىڭ جەڭىسىن قاشان دا ماقتان ەتىپ، ناسيحاتتايتىن ەل بۇرىن سوڭدى ويىنداردا مۇنداي تومەن ناتيجە كورسەتكەن ەمەس. ساراپشىلار سەگىز قولا مەدال - جاڭا رەفورمالاردى قاجەت ەتەتىن زاماناۋي سپورت جاعدايىنىڭ شىنايى كورسەتكىشى دەپ ەسەپتەيدى. قازاقستان تاۋەلسىز ەل رەتىندە جازعى وليمپيادا ويىندارىنا 1996 جىلدان بەرى قاتىسىپ كەلەدى. قازاقستاندىق سپورتشىلار وليمپيادالىق ويىنداردان ەشقاشان التىنسىز ورالعان ەمەس. ءتىپتى بيىل بىلعارى قولعاپ شەبەرلەرى دە بايراعىمىزدى كوكتە جەلبىرەتىپ، ءانۇرانىمىزدى توكيو تورىندە شىرقاتا المادى.
الايدا، قازاقستان قۇراماسىنىڭ فورماسى توكيو وليمپياداسىنداعى ەڭ ءساندى كيىمدەردىڭ ءبىرى بولىپ تانىلدى. تىزىمگە سەگىز ەلدىڭ: اقش، رەسەي، ليبەريا، چەحيا، قازاقستان، قىتاي، وڭتۇستىك افريكا جانە جاپونيانىڭ كيىم ۇلگىلەرى كىردى.
تاريحتاعى ەڭ ءىرى جەڭىلىس
فرانتسيادان جەڭىلىس تاپقان ماتچ قازاقستان قۇراماسىنىڭ تاريحىنداعى ەڭ ءىرى جەڭىلىسى بولدى.قازاقستان قۇراماسى 2022 جىلعى الەم چەمپيوناتىنىڭ ىرىكتەۋ كەزەڭىندەگى سوڭعى ماتچىندا فرانتسۋزداردان سىرت الاڭدا جاۋاپسىز سەگىز گول جىبەرىپ، تاريحتا بولماعان ەسەپپەن ويىندى اياقتادى. ويىن 0:8 ەسەبىمەن ءتامامدالدى.
بۇعان دەيىن قازاقستاندىق قۇراما تۇركيا مەن رەسەي قۇرامالارىنان 0:6 ەسەبىمەن ۇتىلعان بولاتىن. تۇرىكتەردەن 2006 جىلعى الەم چەمپيوناتىنىڭ ىرىكتەۋ ءتۋرنيرى اياسىندا 2005 جىلى 8 ماۋسىمدا الماتىدا، ال رەسەيلىكتەردەن 2008 جىلى 23 مامىردا ماسكەۋدە وتكەن جولداستىق كەزدەسۋدە جەڭىلىپ قالدى.
2021 جىلى قازاقستان الەمدىك ارەنادا
قازاقستاندىق Sheker ۆەب سەريالى پۋسان قالاسىندا وتكەن حالىقارالىق بايقاۋدا ۇزدىك اتاندى.«شەكەر» قازاقستاندىق ۆەب-سەريالى Asia Contents Awards ماراپاتىندا Short-form/Web Drama نوميناتسياسىندا جەڭىسكە جەتكەن بولاتىن.
بايقاۋعا قاتىسۋ ءۇشىن 17 ەلدەن ءارتۇرلى فورماتتاعى 75 سەريا ۇسىنىلدى. 12 ەلدەن بارلىعى 28 جۇمىس ىرىكتەلدى.
Sheker – وقۋ ماسەلەسىن قىلمىستىق جولمەن شەشكەن ستۋدەنت تۋرالى درامالىق وقيعا. بۇل درامادا جەڭىل اقشا، ەسىرتكى، جاستىق شاقتىق پروبلەمالار كوتەرىلەدى.
الەمدىك دەڭگەيدە ءار ەلدە وتەتىن "داۋىس" بايقاۋىندا قازاقستاندىق ونەرپازدارىمىز قازاق مادەنيەتىنىڭ "اسقاقتىعىن" دالەلدەدى.
قۇرالاي مەيرامبەك - "قازاقستان داۋىسى - 2021" جوباسىنىڭ جەڭىمپازى. سونىمەن قاتار، قىركۇيەكتىڭ سوڭىندا باق 18 جاستاعى قۇرالاي مەيرامبەكتىڭ «Qazaqstan dauysۋ» شوۋىنىڭ قازاقستاندىق انالوگىنداعى ونەرى Best of The Voice الەمدىك رەيتينگىنە ەنگەنىن حابارلادى. YouTube ارناسىندا اۆتورلار الەمنىڭ تۇكپىر-تۇكپىرىنەن The Voice شوۋىنا قاتىسۋشىلاردىڭ ەڭ جاقسى نومىرلەرىن جينايدى.
بۇدان وزگە ديليارا ديدارقىزى ۋكرايندىق، امرە مەن الىشەر كاريموۆ رەسەيلىك "داۋىس" جوباسىن باعىندىرىپ، ءوز ونەرلەرىمەن قازىلار القاسىن ءتانتى ەتتى.
2021 جىلعى مادەني شارالار
- ءباا، شۆەتسيا، اقش، ەفيوپيا، بولگاريا جانە تايلاندتا قازاقستاندىق رەجيسسەرلەردىڭ «اباي. ءومىربايانى مەن شىعارماشىلىعى»، «قۇنانباي» فيلمدەرى كورسەتىلدى;
- ۆەنگريادا «الەم تانىعان اباي» اتتى كىتاپ-يلليۋستراتسيالىق كورمە جانە «اباي الەمى» سۋرەت كورمەسى ءوتتى;
- بەلارۋستە قازاقستاندىق ەسترادا ارتىستەرىنىڭ قاتىسۋىمەن «اباي الەمى» اتتى مۋزىكالىق-پوەزيا كەشى ءوتتى;
- بوسنيا جانە گەرتسەگوۆينادا اباي قۇنانباەۆتىڭ 175 جىلدىعى اياسىندا «استانا وپەرا» تەاترىنىڭ سوليستەرى حالىقارالىق ساراەۆو قىسى فەستيۆالىنە قاتىستى;
- گەرمانيادا ابايدىڭ 175 جىلدىعىنا ارنالعان «ەۋرازيا اقىندارى» اتتى پوەزيا كەشى ۇيىمداستىرىلدى;
- ليۋكسەمبۋرگتە اباي قۇنانباەۆتىڭ 175 جىلدىعىنا ارنالعان پوەزيا كەشى ءوتتى;
- شۆەيتساريادا قازاق دياسپوراسىنىڭ وكىلدەرى س.توقانوۆا مەن ي.گريباۋس اباي قۇنانباەۆتىڭ 175 جىلدىعىنا ارنالعان كونتسەرت بەردى;
- اقش-تا گارۆارد ۋنيۆەرسيتەتىنىڭ دەۆيس ورتالىعىندا امەريكالىق ستۋدەنتتەر اراسىندا «اباي ىلىمدەرى» اتتى ادەبي بايقاۋ ءوتتى;
- يراندا ءابۋ ناسر ءال-ءفارابيدىڭ 1150 جىلدىعى مەن اباي قۇنانبايۇلىنىڭ 175 جىلدىعىنا وراي الەۋمەتتىك جەلىلەردە «اباي دومبىراسى» اكتسياسى ۇيىمداستىرىلدى;
– مىسىردا «ءنىل-مادەنيەت» تەلەارناسىندا اباي قۇنانبايۇلىنا ارنالعان باعدارلاما ءوتتى.
وتاندىق فيلمدەر ارقىلى قازاقستاننىڭ تاريحى مەن مادەنيەتىن شەتەلگە كورسەتۋگە كوپ كوڭىل ءبولىندى. قازاقستاندىق رەجيسسەرلەردىڭ فيلمدەرى بىرىككەن اراب امىرلىكتەرى، شۆەتسيا، اقش، ەفيوپيا، بولگاريا سياقتى ەلدەردە كورسەتىلدى. «اباي. ءومىربايانى جانە شىعارماشىلىعى «(رەج. ت. ارعانچەەۆ), «قۇنانباي» (رەج. د. جولجاقسىنوۆ), «قازاق ءبيى» (رەج. ءا. سادىقوۆا، ع. ناسىروۆ)» قازاق حاندىعى. «التىن تاق»، «الماس قىلىش» (رەج. ر. ءابدىراشوۆ), «جاۋجۇرەك مىڭ بالا» (رەج. ءا. ساتاەۆ), ت.ب. 5.
اباي مەن ءال-فارابيگە ارنالعان ەسكەرتكىشتەر مەن كوشە اتاۋلارى الەمنىڭ ءارتۇرلى مەملەكەتتەرىندە بەرىلدى. ماسكەۋ (رەسەي), بۋداپەشت (ۆەنگريا) جانە رەنن (فرانتسيا) قالالارىنداعى اباي ەسكەرتكىشتەرىمەن قاتار بيىل انتاليادا (تۇركيا) ابايعا ارنالعان مەموريالدىق تاقتا، بۋحارەستتە (رۋمىنيا) ابايعا ارنالعان مەموريالدىق تاقتا اشىلدى جانە ءابۋ ناسر ءال-فارابيگە ارنالعان تاقتا حايفادا (يزرايل) ورناتىلدى; تبيليسيدەگى (گرۋزيا) ورتالىق كوشەلەردىڭ بىرىنە ۇلى اقىننىڭ ەسىمى بەرىلدى.
ودان وزگە بيىل، اباي شىعارمالارى، قازاق جازۋشىلارىنىڭ اباي تۋرالى كىتاپتارى ارميان، گرۋزين، يۆريت، قىرعىز، مالاي، موڭعول، گوللاند، يسپان، پورتۋگال، ۋكراين، تۇرىك، وزبەك، حيندي تىلدەرىنە اۋدارىلىپ، 12 كىتاپ جارىق كوردى.
"ادىرنا" ۇلتتىق پورتالى
