2021 jyl Qazaqstannyń mádenıet jáne sport salasy úshin biraz jańalyqtarǵa toly boldy. San soǵyp ta qaldyq, jetken jetistikter de az emes.
Qazaqstan sporty - 2021
Tokıo Olımpıadasynda Qazaqstan segiz qola medalmen jalpykomandalyq esepte 83-oryn aldy. Sportqa mıllıardtaǵan qarjy bólip, sportshylarynyń jeńisin qashan da maqtan etip, nasıhattaıtyn el buryn sońdy oıyndarda mundaı tómen nátıje kórsetken emes. Sarapshylar segiz qola medal - jańa reformalardy qajet etetin zamanaýı sport jaǵdaıynyń shynaıy kórsetkishi dep esepteıdi. Qazaqstan táýelsiz el retinde jazǵy Olımpıada oıyndaryna 1996 jyldan beri qatysyp keledi. Qazaqstandyq sportshylar Olımpıadalyq Oıyndardan eshqashan altynsyz oralǵan emes. Tipti bıyl bylǵary qolǵap sheberleri de baıraǵymyzdy kókte jelbiretip, ánuranymyzdy Tokıo tórinde shyrqata almady.
Alaıda, Qazaqstan quramasynyń formasy Tokıo Olımpıadasyndaǵy eń sándi kıimderdiń biri bolyp tanyldy. Tizimge segiz eldiń: AQSh, Reseı, Lıberııa, Chehııa, Qazaqstan, Qytaı, Ońtústik Afrıka jáne Japonııanyń kıim úlgileri kirdi.
Tarıhtaǵy eń iri jeńilis
Franııadan jeńilis tapqan match Qazaqstan quramasynyń tarıhyndaǵy eń iri jeńilisi boldy.Qazaqstan quramasy 2022 jylǵy álem chempıonatynyń irikteý kezeńindegi sońǵy matchynda franýzdardan syrt alańda jaýapsyz segiz gol jiberip, tarıhta bolmaǵan eseppen oıyndy aıaqtady. Oıyn 0:8 esebimen támamdaldy.
Buǵan deıin qazaqstandyq qurama Túrkııa men Reseı quramalarynan 0:6 esebimen utylǵan bolatyn. Túrikterden 2006 jylǵy álem chempıonatynyń irikteý týrnıri aıasynda 2005 jyly 8 maýsymda Almatyda, al reseılikterden 2008 jyly 23 mamyrda Máskeýde ótken joldastyq kezdesýde jeńilip qaldy.
2021 jyly Qazaqstan álemdik arenada
Qazaqstandyq Sheker veb serıaly Pýsan qalasynda ótken halyqaralyq baıqaýda úzdik atandy.«Sheker» qazaqstandyq veb-serıaly Asia Contents Awards marapatynda Short-form/Web Drama nomınaııasynda jeńiske jetken bolatyn.
Baıqaýǵa qatysý úshin 17 elden ártúrli formattaǵy 75 serııa usynyldy. 12 elden barlyǵy 28 jumys irikteldi.
Sheker – oqý máselesin qylmystyq jolmen sheshken stýdent týraly dramalyq oqıǵa. Bul dramada jeńil aqsha, esirtki, jastyq shaqtyq problemalar kóteriledi.
Álemdik deńgeıde ár elde ótetin "Daýys" baıqaýynda qazaqstandyq ónerpazdarymyz qazaq mádenıetiniń "asqaqtyǵyn" dáleldedi.
Quralaı Meırambek - "Qazaqstan daýysy - 2021" jobasynyń jeńimpazy. Sonymen qatar, Qyrkúıektiń sońynda BAQ 18 jastaǵy Quralaı Meırambektiń «Qazaqstan dauysý» shoýynyń qazaqstandyq analogyndaǵy óneri Best of The Voice álemdik reıtıngine engenin habarlady. YouTube arnasynda avtorlar álemniń túkpir-túkpirinen The Voice shoýyna qatysýshylardyń eń jaqsy nómirlerin jınaıdy.
Budan ózge Dılıara Dıdarqyzy ýkraındyq, Ámre men Álisher Karımov reseılik "Daýys" jobasyn baǵyndyryp, óz ónerlerimen qazylar alqasyn tánti etti.
2021 jylǵy mádenı sharalar
- BAÁ, Shveııa, AQSh, Efıopııa, Bolgarııa jáne Taılandta qazaqstandyq rejısserlerdiń «Abaı. Ómirbaıany men shyǵarmashylyǵy», «Qunanbaı» fılmderi kórsetildi;
- Vengrııada «Álem tanyǵan Abaı» atty kitap-ıllıýstraııalyq kórme jáne «Abaı álemi» sýret kórmesi ótti;
- Belarýste qazaqstandyq estrada ártisteriniń qatysýymen «Abaı álemi» atty mýzykalyq-poezııa keshi ótti;
- Bosnııa jáne Geregovınada Abaı Qunanbaevtyń 175 jyldyǵy aıasynda «Astana Opera» teatrynyń solısteri halyqaralyq Saraevo qysy festıvaline qatysty;
- Germanııada Abaıdyń 175 jyldyǵyna arnalǵan «Eýrazııa aqyndary» atty poezııa keshi uıymdastyryldy;
- Lıýksembýrgte Abaı Qunanbaevtyń 175 jyldyǵyna arnalǵan poezııa keshi ótti;
- Shveıarııada qazaq dıasporasynyń ókilderi S.Toqanova men I.Grıbaýs Abaı Qunanbaevtyń 175 jyldyǵyna arnalǵan konert berdi;
- AQSh-ta Garvard ýnıversıtetiniń Devıs ortalyǵynda amerıkalyq stýdentter arasynda «Abaı ilimderi» atty ádebı baıqaý ótti;
- Iranda Ábý Nasr ál-Farabıdiń 1150 jyldyǵy men Abaı Qunanbaıulynyń 175 jyldyǵyna oraı áleýmettik jelilerde «Abaı dombyrasy» akııasy uıymdastyryldy;
– Mysyrda «Nil-Mádenıet» telearnasynda Abaı Qunanbaıulyna arnalǵan baǵdarlama ótti.
Otandyq fılmder arqyly Qazaqstannyń tarıhy men mádenıetin shetelge kórsetýge kóp kóńil bólindi. Qazaqstandyq rejısserlerdiń fılmderi Birikken Arab Ámirlikteri, Shveııa, AQSh, Efıopııa, Bolgarııa sııaqty elderde kórsetildi. «Abaı. Ómirbaıany jáne shyǵarmashylyǵy «(rej. T. Arǵancheev), «Qunanbaı» (rej. D. Joljaqsynov), «Qazaq bıi» (rej. Á. Sadyqova, Ǵ. Nasyrov)» Qazaq handyǵy. «Altyn taq», «Almas qylysh» (rej. R. Ábdirashov), «Jaýjúrek myń bala» (rej. Á. Sataev), t.b. 5.
Abaı men Ál-Farabıge arnalǵan eskertkishter men kóshe ataýlary álemniń ártúrli memleketterinde berildi. Máskeý (Reseı), Býdapesht (Vengrııa) jáne Renn (Franııa) qalalaryndaǵy Abaı eskertkishterimen qatar bıyl Antalııada (Túrkııa) Abaıǵa arnalǵan memorıaldyq taqta, Býharestte (Rýmynııa) Abaıǵa arnalǵan memorıaldyq taqta ashyldy jáne Ábý Nasr ál-Farabıge arnalǵan taqta Haıfada (Izraıl) ornatyldy; Tbılısıdegi (Grýzııa) ortalyq kóshelerdiń birine uly aqynnyń esimi berildi.
Odan ózge bıyl, Abaı shyǵarmalary, qazaq jazýshylarynyń Abaı týraly kitaptary armıan, grýzın, ıvrıt, qyrǵyz, malaı, mońǵol, golland, ıspan, portýgal, ýkraın, túrik, ózbek, hındı tilderine aýdarylyp, 12 kitap jaryq kórdi.
"Adyrna" ulttyq portaly
