شىمكەنت قالاسىنداعى يچ-167/3 تۇزەۋ مەكەمەسىندە اۋىر قىلمىس جاساعان سوتتالعان ازاماتتار جازاسىن وتەيدى. بۇنگى كۇنى مەكەمەدە 800-دەي ازمات تۇزەلۋ جولىندا كەلەدى. مەكەمەدە جازاسىن وتۋشىلەر ءۇشىن ءبىرشاما جاعدايلار جاسالعان.
كەشكى مەكتەپ، كاسىپتىك كوللەدج، ءتۇرلى تۇرمىسقا قاجەتتى جانە قول ونەر بۇيىمدارىن شىعاراتىن ونەر كاسىپتىك سەكتور، ودان بولەك سوتتالعان ازاماتتاردىڭ رۋحاني الەمىن قالىپتاستىرىپ، ونى دەرەڭدەتۋ پاتريوتتىق دۇنيە تانىم سومداۋ ماقساتىندا كىتاپحانا جۇمىس ىستەيدى.
مەكەمە كىتاپحاناسىندا 2500-داي كىتاپ بار. ورىس قازاق تىلىندەگى ءتۇرلى تاقىرىپتاردا جازىلعان كىتاپتاردى الىپ وقۋعا بولادى. مۇندا سوتتالعاندار ءدىني كىتاپتاردى دا الىپ وقۋعا جاعداي جاسالعان.
كىتاپحانا قورىندا قالاداعى كىتاپ دۇكەندەرىندە نەمەسە كىتاپحانالارىندا تابىلا بەرمەيتىن كىتاپتار ساقتالعان. مىسالى كەلتىرەتىن بولساق: 1812 جىلعى ورىس-فرانتسۋز سوعىسى، پەتر 1-ءشى تۋرالى ەڭبەكتەر، قازاقتىڭ ءبىر تۋار تۇلعاسى ەسەنبەرليننىڭ «كوشپەندىلەر» مەن «التىن وپداسى»، «التاي جولى» تاحاۋي احتانوۆتىڭ «وتان سوعىسى» تۋرالى كىتاپتارى كوزگە توسىن كورىنىپ، قىزىقتىرا كەتەتىن دۇنيەلەر جەتكىلىكتى. كىتاپتاردى وزىڭمەن بىرگە الىپ كەتىپ جاساقتا وقۋعا، سونىمەن قاتار كىتاپحانانىڭ وقۋ زالىندا وتىرىپ وقۋعا دا مۇمكىندىك بار.
كىتاپحانادا قازىرگى جاستاردىڭ كوپشىلىكتىڭ قىزىقتى تاقرىبى فانتاستيكا الەمى تۋرالى كىتاپتاردا بارشىلىق. ءوزىمىزدىڭ قازاق سالت-ءداستۇرى، قازاق تاريحىنان حابار بەرەتىن كىتاپتار دا از ەمەس.
سوندىقتان مەكەمە كىتاپحاناسىنىڭ باستى ماقساتى سوتتالعانداردىڭ مىنەز-قۇلقىن تۇزەتۋ، ولاردى لايىقتى يماندى ازامات رەتىندە قالىپتاستىرىپ، قوعامعا قايتا قوسۋ ىسىنە ءوزىنىڭ قوماقتى ۇلەسىن قوسۋدا دەپ ايتۋعا بولادى.
