Shymkent qalasyndaǵy túzeý mekemelerinde rýhanı damýǵa jaqsy jaǵdaı jasalǵan

2525
Adyrna.kz Telegram

Shymkent qalasyndaǵy ICh-167/3 túzeý mekemesinde aýyr qylmys jasaǵan sottalǵan azamattar jazasyn óteıdi. Búngi kúni mekemede 800-deı azmat túzelý jolynda keledi. Mekemede jazasyn ótýshiler úshin birshama jaǵdaılar jasalǵan.

Keshki mektep, kásiptik kolledj, túrli turmysqa qajetti jáne qol óner buıymdaryn shyǵaratyn óner kásiptik sektor, odan bólek sottalǵan azamattardyń rýhanı álemin qalyptastyryp, ony dereńdetý patrıottyq dúnıe tanym somdaý maqsatynda kitaphana jumys isteıdi.
Mekeme kitaphanasynda 2500-daı kitap bar. Orys qazaq tilindegi túrli taqyryptarda jazylǵan kitaptardy alyp oqýǵa bolady. Munda sottalǵandar dinı kitaptardy da alyp oqýǵa jaǵdaı jasalǵan.
Kitaphana qorynda qaladaǵy kitap dúkenderinde nemese kitaphanalarynda tabyla bermeıtin kitaptar saqtalǵan. Mysaly keltiretin bolsaq: 1812 jylǵy orys-franýz soǵysy, Petr 1-shi týraly eńbekter, qazaqtyń bir týar tulǵasy Esenberlınniń «Kóshpendiler» men «Altyn opdasy», «Altaı joly» Tahaýı Ahtanovtyń «Otan soǵysy» týraly kitaptary kózge tosyn kórinip, qyzyqtyra ketetin dúnıeler jetkilikti. Kitaptardy ózińmen birge alyp ketip jasaqta oqýǵa, sonymen qatar kitaphananyń oqý zalynda otyryp oqýǵa da múmkindik bar.
Kitaphanada qazirgi jastardyń kópshiliktiń qyzyqty taqryby fantastıka álemi týraly kitaptarda barshylyq. Ózimizdiń qazaq salt-dástúri, qazaq tarıhynan habar beretin kitaptar da az emes.

Sondyqtan mekeme kitaphanasynyń basty maqsaty sottalǵandardyń minez-qulqyn túzetý, olardy laıyqty ımandy azamat retinde qalyptastyryp, qoǵamǵa qaıta qosý isine óziniń qomaqty úlesin qosýda dep aıtýǵa bolady.

Pikirler