بيىلعى قۋاڭشىلىق كەزىندە باتىس وڭىرلەرگە ءشوپ جەتكىزۋگە باستاماشى بولعان قۇرمەت تالاپقازى جاڭا جىلدى ءوز ۇيىندە قارسى الاتىن بولدى. قوعام بەلسەندىلەرى باسپاناسى جوق جىگىتكە ءۇي الىپ بەرۋ ماسەلەسىن كوتەرگەن ەدى. كوپشىلىك بۇل باستامانى قىزۋ قولداپ، ەكى جارىم كۇننىڭ ىشىندە 10 ميلليون تەڭگەگە جۋىق قاراجات جيناپ بەرگەن. بۇل تۋرالى بەلگىلى جۋرناليست، قوعام بەلسەدىسى ماقسات تولىقباي الەۋمەتتىك جەلى ارقىلى سۇيىنشىلەدى، دەپ حابارلايدى "ادىرنا" ۇلتتىق پورتالى exk.kz-كە سىلتەمە جاساپ.
قۋاڭشىلىقتان مال قىرىلىپ جاتقاندا 24 جاسار قۇرمەت تالاپقازى ازاماتتاردىڭ باسىن قوسىپ، باتىس وڭىرلەرىنە ۆاگون-ۆاگون ءشوپ جەتكىزۋگە تۇرتكى بولعان. قيىن جاعدايعا تاپ بولعان وڭىرلەرگە سونىڭ ناتيجەسىندە 500-دەن استام ۆاگون مال ازىعى جەتكىزىلدى. ال كەيىننەن يگى ءىستىڭ باسى-قاسىندا جۇرگەن قۇرمەتتىڭ ءوز باسپاناسى جوقتىعىنا قىنجىلعان بەلسەندىلەر حالىقتان كومەك سۇراعان ەدى.
قادىرلى اعايىن، سىزدەردىڭ ارقالارىڭىزدا قازاقتىڭ ءبىر بالاسى جاڭا جىلدى جاڭا باسپانادا قارسى الادى، بۇيىرسا. "كوپ تۇكىرسە — كول" دەگەن. ەكى جارىم كۇننىڭ ىشىندە ءبىز ويلاعاننان ارتىق اقشا جينالدى — دەپ جازادى ماقسات تولىقباي.
ءۇي قۇنىنىڭ جارتىسىن كوپشىلىك كوتەرسە، قالعانىنا مەتسەناتتار جاردەمدەسپەك. الداعى اپتادا بەلسەندىلەر شىمكەنتكە بارىپ، قۇرمەتپەن بىرگە باسپانا ىزدەۋگە كىرىسەدى.
"ادىرنا" ۇلتتىق پورتالى
