Bıylǵy qýańshylyq kezinde batys óńirlerge shóp jetkizýge bastamashy bolǵan Qurmet Talapqazy jańa jyldy óz úıinde qarsy alatyn boldy. Qoǵam belsendileri baspanasy joq jigitke úı alyp berý máselesin kótergen edi. Kópshilik bul bastamany qyzý qoldap, eki jarym kúnniń ishinde 10 mıllıon teńgege jýyq qarajat jınap bergen. Bul týraly belgili jýrnalıst, qoǵam belsedisi Maqsat Tolyqbaı áleýmettik jeli arqyly súıinshiledi, dep habarlaıdy "Adyrna" ulttyq portaly exk.kz-ke silteme jasap.
Qýańshylyqtan mal qyrylyp jatqanda 24 jasar Qurmet Talapqazy azamattardyń basyn qosyp, batys óńirlerine vagon-vagon shóp jetkizýge túrtki bolǵan. Qıyn jaǵdaıǵa tap bolǵan óńirlerge sonyń nátıjesinde 500-den astam vagon mal azyǵy jetkizildy. Al keıinnen ıgi istiń basy-qasynda júrgen Qurmettiń óz baspanasy joqtyǵyna qynjylǵan belsendiler halyqtan kómek suraǵan edi.
Qadirli aǵaıyn, sizderdiń arqalaryńyzda qazaqtyń bir balasy jańa jyldy jańa baspanada qarsy alady, buıyrsa. "Kóp túkirse — kól" degen. Eki jarym kúnniń ishinde biz oılaǵannan artyq aqsha jınaldy — dep jazady Maqsat Tolyqbaı.
Úı qunynyń jartysyn kópshilik kóterse, qalǵanyna meenattar járdemdespek. Aldaǵy aptada belsendiler Shymkentke baryp, Qurmetpen birge baspana izdeýge kirisedi.
"Adyrna" ulttyq portaly
