ارداقتى الاش ءىزباسارلارى، قازىرگى قازاقستاننىڭ ىرگەتاسىن قالاپ، شەكاراسىن شەگەلەپ بەلگىلەپ بەرگەن الاش پارلامەنتتىك-پرەزيدەنتتىك اۆتونومياسىنىڭ مەرەيتويى 2017 جىلمەن اياقتالمايدى، جاڭا 2018 جىلى ءارى قاراي جالعاسادى. اتاپ ايتقاندا:
1) الاش اۆتونومياسىنىڭ جوعارعى مەملەكەتتىك اتقارۋشى بيلىگى – الاش وردا بۇكىلقازاق كەڭەسىنىڭ (ۇكىمەتىنىڭ) 1918 جىلدىڭ قاڭتار ايىندا ورىنبوردان الاش قالاسىنا (بۇرىنعى زارەچنايا سلوبودكا، قازىرگى سەمەي) قونىس اۋدارىپ ورنالاسۋىنا – 100 جىل;
2) الاش اۆتونومياسىن رەسمي تۇردە جاريالاۋىنا 100 جىل (1918 جىلدىڭ ناۋرىز ايى). كەڭەس ۇكىمەتىنىڭ ۇسىنىسىنا الاش وردانىڭ قايتارعان جاۋابىنان:
«مى، چلەنى الاش-وردى، ... پوستانوۆيلي پريزنات سوۆەتسكوە پراۆيتەلستۆو – تسەنترالنىم پراۆيتەلستۆوم، ي سووبششاەم، چتو نا وسنوۆاني پوستانوۆلەنيا ۆسەكازاحسكوگو سەزدا، سوستوياۆشەگوسيا 5-13 دەكابريا 1917 گودا ۆ ورەنبۋرگە، نەمەدلەننو پروۆوزگلاشاەم الاشسكۋيۋ اۆتونوميۋ، ي بۋدەم ۆۆوديت پوستانوۆلەنيا ۆىشەۋكازاننوگو سەزدا...» (اپ رك: ف. 811, وپ. 23, د. 193, لل. 52-54.).
3) الاش وردا بۇكىلقازاق كەڭەسىنىڭ (ۇكىمەتىنىڭ) رەسمي تۇردە ىسكە كىرىسكەن كۇنىنە – 100 جىل (1918 جىلدىڭ ماۋسىمى);
4) الاش وردا بۇكىلقازاق كەڭەسىنىڭ (ۇكىمەتىنىڭ) العاشقى زاڭنامالىق قاۋلىلارىن قابىلداعانىنا – 100 جىل (1918 جىلدىڭ 24 (11) ماۋسىمى);
5) الاش وردا بۇكىلقازاق كەڭەسىنىڭ (ۇكىمەتىنىڭ) قۇرامىندا قورعانىس مينيسترلىگىنىڭ قۇزىرى مەن مىندەتتەرى جۇكتەلگەن اسكەري ءبولىم قۇرىلعان كۇنىنە، ياعني الاش ارمياسىنىڭ رەسمي قۇرىلعان كۇنىنە – 100 جىل (1918 جىلدىڭ ماۋسىمى);
6) 2018 جىلدىڭ 2 اقپانىندا تۇڭعىش جالپىۇلتتىق باسىلىم - «قازاق» گازەتىنىڭ ءبىرىنشى سانىنىڭ جارىققا شىعۋىنا 105 جىل تولدى;
7) ناۋرىز ايىندا – العاشقى قازاق كوممۋنيسى، بالشەبەك ءالىبي ء(الي، نيكولاي، ءالي-بەي) جالعابايۇلى – ستەپنوۆ - جانگەلديننىڭ رەداكتسيانى تالقانداپ، «قازاقتى» جاپقانىنا – 100 جىل تولادى.
سۇلتان حان اققۇلى، گۋميلەۆ اتىنداعى
ەۇۋ-ءدىڭ جانىنداعى الاش عىلىمي-زەرتتەۋ ينستيتۋتىنىڭ ديرەكتورى
