Ardaqty Alash izbasarlary, qazirgi Qazaqstannyń irgetasyn qalap, shekarasyn shegelep belgilep bergen Alash parlamenttik-prezıdenttik avtonomııasynyń mereıtoıy 2017 jylmen aıaqtalmaıdy, jańa 2018 jyly ári qaraı jalǵasady. Atap aıtqanda:
1) Alash Avtonomııasynyń joǵarǵy memlekettik atqarýshy bıligi – Alash Orda Búkilqazaq Keńesiniń (úkimetiniń) 1918 jyldyń qańtar aıynda Orynbordan Alash qalasyna (burynǵy Zarechnaıa Slobodka, qazirgi Semeı) qonys aýdaryp ornalasýyna – 100 jyl;
2) Alash Avtonomııasyn resmı túrde jarııalaýyna 100 jyl (1918 jyldyń naýryz aıy). Keńes úkimetiniń usynysyna Alash Ordanyń qaıtarǵan jaýabynan:
«My, chleny Alash-Ordy, ... postanovılı prıznat Sovetskoe pravıtelstvo – entralnym pravıtelstvom, ı soobaem, chto na osnovanıı postanovlenııa Vsekazahskogo sezda, sostoıavshegosıa 5-13 dekabrıa 1917 goda v Orenbýrge, nemedlenno provozglashaem Alashskýıý avtonomııý, ı býdem vvodıt postanovlenııa vysheýkazannogo sezda...» (AP RK: F. 811, op. 23, d. 193, ll. 52-54.).
3) Alash Orda Búkilqazaq Keńesiniń (úkimetiniń) resmı túrde iske kirisken kúnine – 100 jyl (1918 jyldyń maýsymy);
4) Alash Orda Búkilqazaq Keńesiniń (úkimetiniń) alǵashqy zańnamalyq qaýlylaryn qabyldaǵanyna – 100 jyl (1918 jyldyń 24 (11) maýsymy);
5) Alash Orda Búkilqazaq Keńesiniń (úkimetiniń) quramynda qorǵanys mınıstrliginiń quzyry men mindetteri júktelgen áskerı bólim qurylǵan kúnine, ıaǵnı Alash armııasynyń resmı qurylǵan kúnine – 100 jyl (1918 jyldyń maýsymy);
6) 2018 jyldyń 2 aqpanynda tuńǵysh jalpyulttyq basylym - «Qazaq» gazetiniń birinshi sanynyń jaryqqa shyǵýyna 105 jyl toldy;
7) naýryz aıynda – alǵashqy qazaq kommýnısi, bálshebek Álibı (Álı, Nıkolaı, Álı-beı) Jalǵabaıuly – Stepnov - Jangeldınniń redakııany talqandap, «Qazaqty» japqanyna – 100 jyl tolady.
Sultan Han AQQULY, Gýmılev atyndaǵy
EUÝ-diń janyndaǵy Alash ǵylymı-zertteý ınstıtýtynyń dırektory
