ەل تاۋەلسىزدىگىنىڭ 30 جىلىندا شىمكەنت قالاسىنىڭ اۋماعى ۇلعايىپ، جاڭادان قوسىلعان ەلدى مەكەندەر سانى ارتتى، قالا حالقى ءۇش ەسەگە ءوستى، قالا مەگاپوليس مارتەبەسىن الدى. جاڭا شاعىن اۋداندار بوي كوتەردى. قارقىندى دامۋ ۇستىندەگى شاھاردا كوممۋنالدىق ماسەلەنىڭ بولارى دا انىق. قالا باسشىلىعى بۇل باعىتتاعى تۇيتكىلدى ماسەلەلەردى شەشۋ ءۇشىن جۇمىستاردى جۇيەلى تۇردە جالعاستىرۋدا. سەبەبى ينجەنەرلىك ينفراقۇرىلىم قالا دامۋىنىڭ فۋندامەنتى بولىپ تابىلادى. سالا جوبالارىنىڭ ۋاقىتىلى جانە ساپالى جۇزەگە اسىرۋ قالالىق قىزمەتتەردىڭ باسىم باعىتتارىنا جاتادى.
ەلدىمەكەندەردى كارىز جۇيەسىمەن قامتاماسىز ەتۋ ءۇشىن بيىلعى جىلعا جوسپارلانعان 13 نىساننىڭ قۇرىلىس جۇمىستارىنا بيۋدجەت ەسەبىنەن 6,2 ملرد تەڭگە قارجى ءبولىندى. جۇرگىزىلگەن قۇرىلىس جۇمىستارىنىڭ ۇشەۋى ماگيسترالدى كارىز كوللەكتورى بولسا، 10 ەلدىمەكەنگە ىشكى جۇيەلەر تارتىلدى.
ناتيجەسىندە تۇران شاعىناۋدانىنداعى كارىز سورعى ستانتسياسىنىڭ قۇرىلىسى اياقتالىپ، ونداعى كوپ قاباتتى تۇرعىن ۇيلەر جۇيەگە قوسىلدى. ناۋرىز شاعىناۋدانىنىڭ 3,5 مىڭ جانە سامال-1 شاعىناۋدانىندا 22 مىڭداي تۇرعىن كارىز جۇيەسىنە قوسىلدى. ناتيجەسىندە كارىز جۇيەسىمەن قامتۋ كورسەتكىشى 52,3 پايىزدان - 54 پايىزعا ءوستى.
بۇل كورسەتكىشتى ارتتىرۋ ماقساتىندا كەلەر جىلى 5 ماگيسترالدى جانە 12 ەلدى مەكەنگە ىشكى جۇيەلەردى تارتۋ جۇمىستارى جۇرگىزىلمەك. وعان قارالعان قارجى 6,4 ملرد. تەڭگەنى قۇراۋدا.
اتاپ ايتقاندا 2022 جىلى سامال -2,3, دوستىق، اسار-2, ميراس-شاپاعات-2, ۇلاعات، تاسساي، سولتۇستىك شىعىس، تۇران، قايتپاس-1,2, سولتۇستىك-باتىس ەلدى مەكەندەردە قۇرىلىس جۇمىستارى جۇرگىزىلەدى.
جىل قورىتىندىسىمەن 1 ماگيسترالدى جانە 12 ەلدى مەكەندە ىشكى جۇيەلەردىڭ قۇرىلىس جۇمىستارى اياقتالىپ، 66 مىڭعا جۋىق ادام كارىز جۇيەسىمەن قامتىلادى. ناتيجەسىندە كورسەتكىش 54%-دان، 60%-عا دەيىن وسەدى.
2022-2025 جىلدارى قالانىڭ وڭتۇستىك، سولتۇستىك بولىگىن كارىز جۇيەسىمەن قامتۋ ءۇشىن دامىتۋ جوسپارىنا سايكەس، 2 دانا كارىز – تازالاۋ يماراتىنىڭ، ماگيسترالدىق كوللەكتورلاردىڭ جانە ەلدى مەكەندەردىڭ ىشكى جۇيەلەر قۇرىلىسىن جۇرگىزۋ جوسپارلانۋدا. 2025 جىلعا 75% قامتۋ كورسەتكىشىنە قول جەتكىزۋ كوزدەلۋدە.
شىمكەنت قالاسى اكىمدىگىنىڭ ءباسپاسوز قىزمەتى
