Shymkentte keler jyly 66 myńǵa jýyq adam káriz júıesine qosylady

2472
Adyrna.kz Telegram

El Táýelsizdiginiń 30 jylynda Shymkent qalasynyń aýmaǵy ulǵaıyp, jańadan qosylǵan eldi mekender sany artty, qala halqy úsh esege ósti, qala megapolıs mártebesin aldy. Jańa shaǵyn aýdandar boı kóterdi. Qarqyndy damý ústindegi shaharda kommýnaldyq máseleniń bolary da anyq. Qala basshylyǵy bul baǵyttaǵy túıtkildi máselelerdi sheshý úshin jumystardy júıeli túrde jalǵastyrýda. Sebebi ınjenerlik ınfraqurylym qala damýynyń fýndamenti bolyp tabylady. Sala jobalarynyń ýaqytyly jáne sapaly júzege asyrý qalalyq qyzmetterdiń basym baǵyttaryna jatady.

Eldimekenderdi káriz júıesimen qamtamasyz etý úshin bıylǵy jylǵa josparlanǵan 13 nysannyń qurylys jumystaryna bıýdjet esebinen 6,2 mlrd teńge qarjy bólindi. Júrgizilgen qurylys jumystarynyń úsheýi magıstraldy káriz kollektory bolsa, 10 eldimekenge ishki júıeler tartyldy.

Nátıjesinde Turan shaǵynaýdanyndaǵy káriz sorǵy stanııasynyń qurylysy aıaqtalyp, ondaǵy kóp qabatty turǵyn úıler júıege qosyldy. Naýryz shaǵynaýdanynyń 3,5 myń jáne Samal-1 shaǵynaýdanynda 22 myńdaı turǵyn káriz júıesine qosyldy. Nátıjesinde káriz júıesimen qamtý kórsetkishi 52,3 paıyzdan - 54 paıyzǵa ósti.

Bul kórsetkishti arttyrý maqsatynda keler jyly 5 magıstraldy jáne 12 eldi mekenge ishki júıelerdi tartý jumystary júrgizilmek. Oǵan qaralǵan qarjy 6,4 mlrd. teńgeni quraýda.

Atap aıtqanda 2022 jyly Samal -2,3, Dostyq, Asar-2, Mıras-Shapaǵat-2, Ulaǵat, Tassaı, Soltústik shyǵys, Turan, Qaıtpas-1,2, Soltústik-Batys eldi mekenderde qurylys jumystary júrgiziledi.

Jyl qorytyndysymen 1 magıstraldy jáne 12 eldi mekende ishki júıelerdiń qurylys jumystary aıaqtalyp, 66 myńǵa jýyq adam káriz júıesimen qamtylady. Nátıjesinde kórsetkish 54%-dan, 60%-ǵa deıin ósedi.

2022-2025 jyldary qalanyń ońtústik, soltústik bóligin káriz júıesimen qamtý úshin damytý josparyna sáıkes, 2 dana káriz – tazalaý ımaratynyń, magıstraldyq kollektorlardyń jáne eldi mekenderdiń ishki júıeler qurylysyn júrgizý josparlanýda. 2025 jylǵa 75% qamtý kórsetkishine qol jetkizý kózdelýde.

Shymkent qalasy ákimdiginiń baspasóz qyzmeti

Pikirler