بۇگىن يراك وكىلدەرىنىڭ باستاماسىمەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ يراك رەسپۋبليكاسىنىڭ قازاقستان رەسپۋبليكاسىنداعى سەنىمدى وكىلى يۋنۋس ساليم سارحان ال-شاحمانمەن كەزدەستى دەپ حابارلايدى Qamshy.kz اقپارات اگەنتتىگى قر مەملەكەتتىك سىبايلاس جەمقورلىققا قارسى اگەنتتىكتىڭ ءباسپاسوز قىزمەتىنە سىلتەمە جاساپ.
اليك شپەكباەۆ اگەنتتىكپەن قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ بازاسىندا يراك رەسپۋبليكاسىنىڭ مەملەكەتتىك قىزمەتكەرلەرىن وقىتۋ مۇمكىندىگى قاراستىرىلاتىنىن ايتتى.
اتاپ ايتقاندا، مەملەكەتتىك باسقارۋدىڭ نەگىزدەرى، سىبايلاس جەمقورلىققا قارسى ستراتەگيانى ىسكە اسىرۋ، جوبالاردى باسقارۋ، مەملەكەتتىك باسقارۋ جۇيەسىندەگى كوشباسشىلىقتى، ستراتەگيالىق مەنەدجمەنتتى وقىتۋ كوزدەلۋدە. «يراك ارىپتەستەرىن قازاقستاندا وقىتۋ مەملەكەتتىك قىزمەتتىڭ ساپاسى مەن مەملەكەتتىك قىزمەتكەرلەردىڭ بىلىكتىلىگىن ارتتىرۋ بويىنشا قازاقستاندىق تاجىريبەنى حالىقارالىق دەڭگەيگە كوتەرۋگە سەپتىگىن تيگىزەدى»، - دەدى اگەنتتىك توراعاسى.
جالپى، سەنىمدى وكىلدىڭ باستاماسى، تاراپتار اراسىندا قول قويۋعا جوسپارلانعان مەموراندۋم اياسىندا، سونداي-اق حالىقارالىق باعدارلامالار مەن گرانتتار شەڭبەرىندە اگەنتتىكپەن جۇزەگە اسىرىلاتىن بولادى. سونىمەن بىرگە، اگەنتتىك توراعاسى قازاقستاننىڭ مەملەكەتتىك قىزمەت، سىبايلاس جەمقورلىققا قارسى ءىس-قيمىل جانە مەملەكەتتىك قىزمەتتەردى كورسەتۋ سالالارىنداعى جەتىستىكتەر تۋرالى اڭگىمەلەدى.
ءوز كەزەگىندە ساليم يۋنۋس مىرزا اگەنتتىك توراعاسىمەن كەزدەسكەنىنە العىسىن ءبىلدىرىپ، ەكى ەلدىڭ كاسىبي مەملەكەتتىك اپپارات قۇرۋداعى قارىم-قاتىناستارىنىڭ ءتيىمدى جانە سىندارلى دامۋىنا سەنىم ءبىلدىردى. سەنىمدى وكىل مىرزا «سىبايلاس جەمقورلىق» - ءارتۇرلى دارەجەدە بارلىق ەلدەرگە اسەر ەتەتىن كۇردەلى الەۋمەتتىك، ساياسي جانە ەكونوميكالىق قۇبىلىس ەكەنىن اتاپ ءوتتى.
سىبايلاس جەمقورلىق دەموكراتيالىق ينستيتۋتتاردى بۇزادى، ەكونوميكالىق دامۋدى باسەڭدەتەدى جانە مەملەكەتتىك قۇرىلىمدى بۇزادى. وسىعان بايلانىستى، ول بۇرىنعى قوعامدىق بىرلىك كوميسسياسى (CPI) دەپ اتالاتىن يراكتاعى ادالدىق كوميسسياسىنىڭ قىزمەتى تۋرالى حاباردار ەتتى.
«كوميسسيانىڭ مىندەتى - يراك ۇكىمەتىنىڭ بارلىق دەڭگەيلەرىندە جەمقورلىقتىڭ الدىن الۋ جانە تەرگەۋ. كوميسسيا ازاماتتارعا ءانونيمدى تاسىلدەرمەن سىبايلاس جەمقورلىق تۋرالى حابارلاۋعا مۇمكىندىك بەرەتىن مەملەكەتتىك ءبىلىم بەرۋ جانە ءبىلىم بەرۋ باعدارلامالارى ارقىلى اشىق، ادال جانە جاۋاپتى ۇكىمەتتى العا جىلجىتۋعا جانە كوتەرمەلەۋگە ۇمتىلادى»، - دەدى ساليم يۋنۋس.
كەزدەسۋ سوڭىندا قوناق اليك شپەكباەۆكە كەزدەسۋ ءۇشىن العىسىن ءبىلدىرىپ، ودان ءارى ىنتىماقتاستىققا دايىن ەكەنىن ءبىلدىردى.
qamshy.kz
