شىمكەنتتە كۇندەلىكتى بۇقارالىق سپورتتىق جاتتىعۋلار وتەدى

قالالىق سپورت جانە دەنە شىنىقتىرۋ باسقارماسىنداعى جاۋاپتى مامانداردىڭ بايانداۋىنشا، جوبا 2020 جىلعى قاراشادا باستاۋ الادى.

جوبانىڭ تۇپكى ماقساتى – قالا تۇرعىندارىن دەنە شىنىقتىرۋ جانە سپورتپەن اينالىسۋعا جۇمىلدىرۋدى كوزدەيدى.

وسىعان وراي، قالا اۋماعىنداعى 10 سپورت الاڭىندا تاڭعى جانە كەشكى سپورتتىق جاتتىعۋلار وتەدى. تاڭعى جاتتىعۋلار – ساعات 08.00-دە، كەشكى جاتتىعۋلار – ساعات 18.00-دە باستالادى.

جاتتىعۋلارعا قالانىڭ ءاربىر تۇرعىنى قاتىسا الادى. جاتتىعۋلار ءار اپتانىڭ سەيسەنبى، سارسەنبى، بەيسەنبى، جۇما جانە سەنبى كۇندەرى وتەدى.

⠀جاتتىعۋلار جالىق كوپ جينالاتىن «اباي» ساياباعى، مەتاللۋرگشىلەر ساياباعى، «وتباسى» اللەياسى، قوشقار اتا وزەنى جاعالاۋى، «تاۋەلسىزدىك» ساياباعى، ورتالىق ساياباق، جەڭىس ساياباعى، دەندروساياباق، «ءنۇرسات» شاعىن اۋدانىنداعى اللەيا مەن قاجىمۇقان اتىنداعى «ورتالىق ستاديون» اللەياسىنداعى سپورت الاڭدارىندا وتكىزىلمەك.

ايتا كەتەيىك، ميلليوندى قالادا بۇقارالىق سپورتتى دامىتۋ باعىتىندا قولعا الىنعان جوبا تۇرعىندار اراسىندا سالاۋاتتى ءومىر سالتىن ناسيحاتتاۋدى ماقسات ەتەدى.