Shymkent qalasynda buqaralyq sportty damytý maqsatynda «Halyqty salaýatty ómir saltyna yntalandyrýdy qalyptastyrý» pılottyq jobasy ázirlendi.
Qalalyq sport jáne dene shynyqtyrý basqarmasyndaǵy jaýapty mamandardyń baıandaýynsha, joba 2020 jylǵy qarashada bastaý alady.
Jobanyń túpki maqsaty – qala turǵyndaryn dene shynyqtyrý jáne sportpen aınalysýǵa jumyldyrýdy kózdeıdi.
Osyǵan oraı, qala aýmaǵyndaǵy 10 sport alańynda tańǵy jáne keshki sporttyq jattyǵýlar ótedi. Tańǵy jattyǵýlar – saǵat 08.00-de, keshki jattyǵýlar – saǵat 18.00-de bastalady.
Jattyǵýlarǵa qalanyń árbir turǵyny qatysa alady. Jattyǵýlar ár aptanyń seısenbi, sársenbi, beısenbi, juma jáne senbi kúnderi ótedi.
⠀Jattyǵýlar jalyq kóp jınalatyn «Abaı» saıabaǵy, Metallýrgshiler saıabaǵy, «Otbasy» alleıasy, Qoshqar ata ózeni jaǵalaýy, «Táýelsizdik» saıabaǵy, Ortalyq saıabaq, Jeńis saıabaǵy, Dendrosaıabaq, «Nursát» shaǵyn aýdanyndaǵy alleıa men Qajymuqan atyndaǵy «Ortalyq stadıon» alleıasyndaǵy sport alańdarynda ótkizilmek.
Aıta keteıik, mıllıondy qalada buqaralyq sportty damytý baǵytynda qolǵa alynǵan joba turǵyndar arasynda salaýatty ómir saltyn nasıhattaýdy maqsat etedi.
