تۇركىستان وبلىسىندا ەلباسىنىڭ «تاۋەلسىزدىك تاعىلىمى» اتتى ماقالاسىن كەڭ كولەمىندە اقپاراتتىق ناسيحاتتاۋ بويىنشا دوڭگەلەك ۇستەل جيىنى ءوتتى. وبلىستىق قوعامدىق دامۋ باسقارماسىنىڭ ۇيىمداستىرۋىمەن وتكەن باسقوسۋدا ەڭ قاسيەتتى قۇندىلىعىمىز - تاۋەلسىزدىكتىڭ ناسيحاتتالۋى جايىندا ءسوز قوزعالدى.
جيىندا وبلىستىق قوعامدىق دامۋ باسقارماسىنىڭ باسشىسى اڭسار وسەرباەۆ پەن «اقپاراتتىق تالداۋ ورتالىعى» كمم-ءسى، «قوعامدىق كەلىسىم» كمم-ءسى، وبلىستىق جاستار رەسۋرستىق ورتالىعى جانە رۋحاني جاڭعىرۋ كەڭسەسىنىڭ قىزمەتكەرلەرى مەن ونلاين فورماتتا اقپاراتتىق تالداۋ ورتالىعى جانىنان قۇرىلعان قوعامدىق باعىتتاعى تۇركىستان وبلىسى اۋدان، قالالىق مەدياۆولونتەرلار ZOOM اقپاراتتىق الاڭشاسى ارقىلى قاتىستى. جيىندى اشىپ، جۇرگىزىپ وتىرعان قوعامدىق دامۋ باسقارماسىنىڭ باسشىسى اڭسار جاڭابايۇلى تاۋەلسىزدىك قۇندىلىعى جادىنا ءبىرجولا شەگەلەنىپ، ماڭگى ساقتالۋى ءۇشىن وسكەلەڭ ۇرپاق ونىڭ قادىرىن ءبىلۋى كەرەكتىگىن جەتكىزدى. ەلباسىنىڭ «تاۋەلسىزدىك تاعىلىمى» ماقالاسى تاريحتى تولعاۋ ارقىلى بولاشاق ۇرپاققا وي سالاتىندىعىنا توقتالدى.
«تاۋەلسىزدىكتىڭ ەڭ ۇلكەن جەمىسى بولىپ سانالاتىن، جاڭارۋ مەن جاعىرۋدىڭ داڭعىل جولىنا تۇسكەن تۇركىستان وڭىرىندە بۇل باعىتتاعى جۇمىستار ارقاشاندا اقپاراتتىق نارىقتا باسەكەلەستىك ورناتا الاتىن ورتانى قالىپتاستىرۋىمىز كەرەك»، – دەدى باسقارما باسشىسى.
باسقوسۋ باعدارلاماسىنا سايكەس تۇركىستان وبلىسى قازاقستان حالقى اسسامبلەياسى جانىنداعى عىلىمي ساراپشىلىق توپ جەتەكشىسى، PhD دوكتور، قاۋىمداستىرىلعان پروفەسسور قاينار قالدىبايۇلى ەلباسى ماقالاسىنداعى ەتنوسارالىق تاتۋلىق پەن قوعامدىق كەلىسىم تۋرالى باياندادى.
پىكىرتالاس سوڭىندا دوڭگەلەك ۇستەلەگە قاتىسۋشىلار تاراپىنان «تاۋەلسىزدىك تاعىلىمى» ماقالاسىنىڭ قوعامدا تەرەڭ ناسيحاتتالۋىنا ارنالعان ۇسىنىستار مەن پىكىرلەر ايتىلدى.
