Túrkistan oblysynda Elbasynyń «Táýelsizdik taǵylymy» atty maqalasyn keń kóleminde aqparattyq nasıhattaý boıynsha dóńgelek ústel jıyny ótti. Oblystyq qoǵamdyq damý basqarmasynyń uıymdastyrýymen ótken basqosýda eń qasıetti qundylyǵymyz - Táýelsizdiktiń nasıhattalýy jaıynda sóz qozǵaldy.
Jıynda oblystyq Qoǵamdyq damý basqarmasynyń basshysy Ańsar Óserbaev pen «Aqparattyq taldaý ortalyǵy» KMM-si, «Qoǵamdyq kelisim» KMM-si, oblystyq jastar resýrstyq ortalyǵy jáne Rýhanı jańǵyrý keńsesiniń qyzmetkerleri men onlaın formatta Aqparattyq taldaý ortalyǵy janynan qurylǵan qoǵamdyq baǵyttaǵy Túrkistan oblysy aýdan, qalalyq medıavolonterlar ZOOM aqparattyq alańshasy arqyly qatysty. Jıyndy ashyp, júrgizip otyrǵan qoǵamdyq damý basqarmasynyń basshysy Ańsar Jańabaıuly Táýelsizdik qundylyǵy jadyna birjola shegelenip, máńgi saqtalýy úshin óskeleń urpaq onyń qadirin bilýi kerektigin jetkizdi. Elbasynyń «Táýelsizdik taǵylymy» maqalasy tarıhty tolǵaý arqyly bolashaq urpaqqa oı salatyndyǵyna toqtaldy.
«Táýelsizdiktiń eń úlken jemisi bolyp sanalatyn, jańarý men jaǵyrýdyń dańǵyl jolyna túsken Túrkistan óńirinde bul baǵyttaǵy jumystar árqashanda aqparattyq naryqta básekelestik ornata alatyn ortany qalyptastyrýymyz kerek», – dedi basqarma basshysy.
Basqosý baǵdarlamasyna sáıkes Túrkistan oblysy Qazaqstan halqy Assambleıasy janyndaǵy ǵylymı sarapshylyq top jetekshisi, PhD doktor, qaýymdastyrylǵan professor Qaınar Qaldybaıuly Elbasy maqalasyndaǵy etnosaralyq tatýlyq pen qoǵamdyq kelisim týraly baıandady.
Pikirtalas sońynda dóńgelek ústelege qatysýshylar tarapynan «Táýelsizdik taǵylymy» maqalasynyń qoǵamda tereń nasıhattalýyna arnalǵan usynystar men pikirler aıtyldy.
