«اسار» شاعىناۋدانىنداعى قالالىق كلينيكالىق بالالار اۋرۋحاناسى تاعى دا جاڭا بولىمشەمەن تولىقتى. تاۋەلسىزدىكتىڭ 30 جىلدىعى قارساڭىندا اۋرۋحانادا 20 توسەك ورىنعا لايىقتالعان ونكونەفروگەماتولوگيا بولىمشەسى اشىلدى. بۇل تۋرالى قالالىق دەنساۋلىق ساقتاۋ باسقارماسى حابارلادى.
بۇعان دەيىن ونكوگەماتولوگيا پاتولوگياسى بار ناۋقاس بالالار نۇر-سۇلتان، الماتى، تۇركىستان وبلىسىنداعى اۋرحانادا ەم الاتىن. ەندى ونداي دياگنوزى بار پاتسيەنتتەر ەم ىزدەپ الىسقا سابىلمايدى. جاڭادان اشىلعان ونكونەفروگەماتولوگيا بولىمشەسى 20 توسەك ورىنعا لايىقتالعان. مۇندا جۇمىس ىستەيتىن ماماندار بىلىكتىلىگىن ارتتىرىپ، ارنايى وقىتۋدان وتكەن. سونداي-اق ناۋقاستارعا ناقتى دياگنوز قويىپ، ەمدەۋ شارالارىن جۇرگىزۋ ءۇشىن مەديناتسالىق ۇيىم ىشىندە دياگنوستيكالىق زەرتحانا جۇمىس ىستەيدى.
ايتا كەتەيىك، اسارداعى كلينيكالىق بالالار اۋرۋحاناسى 18 جاسقا دەيىنگى بالالارعا تاۋلىك بويى مەديتسينالىق كومەك كورسەتەتىن كوپ بەيىندى ەمدەۋ مەكەمەسى. جىل سايىن ەمدەۋ مەكەمەسىندە قىزمەت ساپاسى جاقسارىپ، مەديتسينالىق قىزمەت ءتۇرى ارتۋدا. سوڭعى ءبىر جىلدىڭ وزىندە مۇندا نەيروحيرۋرگيالىق، كۇيىك، ۋرولوگيالىق، توراكالدى حيرۋرگيا، ەندوكرينولوگيالىق، نەيروحيرۋرگيالىق مەديتسينالىق وڭالتۋ سياقتى توسەكتەردىڭ جاڭا بەيىندەرى اشىلعان.
