الەۋمەتتىك جەلىدە تاشكەنتتەگى اۋدانداردىڭ بىرىندە اۋدان اكىمشىلىگى عيماراتىنىڭ جانىنداعى اباتتاندىرۋ ءبولىمى قىزمەتكەرلەرىنىڭ ەرەۋىلگە شىققانى تۋرالى ۆيدەو تارادى، دەپ حابارلايدى "ادىرنا" ۇلتتىق پورتالى.
ۆيدەودا اۋداندىق اباتتاندىرۋ ءبولىمى قىزمەتكەرلەرىنىڭ جالاقىنىڭ ازايىپ، كەشىكتىرىلىپ جاتقانىنا نارازىلىق بىلدىرگەنىن ەستي الاسىز.
- بۇعان دەيىن جالاقىدان 300 مىڭ سۋم (27,56 دوللار) ۇستالعان. الدىن الا تولەم، مەرەكەلىك تولەم جوق. ولار ءبىزدىڭ ەڭبەگىمىزدى قالاي پايدالانۋ كەرەكتىگىن بىلەدى، بىراق جالاقىنى ۇمىتىپ كەتتى. بىزدە كيىم اۋىستىراتىن بولمەلەر جوق. ءبىزدى ءبارى جەك كورەدى. دارەتحاناعا بارۋعا بولمايدى، اسحانادا ءبىر كەسە شاي بەرىلمەيدى، - دەيدى چيلانزار اۋداندىق اباتتاندىرۋ ءبولىمىنىڭ قىزمەتكەرلەرىنىڭ ءبىرى.
كەيىن تاشكەنت قالاسىنىڭ چيلانزار اۋدانىنىڭ باسشىسى (حوكيم) شاۆكات ماۆلونوۆ اباتتاندىرۋ ءبولىمىنىڭ نارازى قىزمەتكەرلەرىمەن كەزدەستى.
اۋدان اكىمدىگىنىڭ ءباسپاسوز قىزمەتى جالاقى تولەنگەنىن حابارلادى. سونىمەن قاتار، اۋدان باسشىسى جۇمىسشىلاردى كولىكپەن قامتاماسىز ەتۋدى، ءۇشىنشى ساناتتاعىلاردىڭ جالاقىسىن قايتا ەسەپتەۋدى جانە جۇمىسشىلاردى ىنتالاندىرۋ بويىنشا ۇسىنىستار ازىرلەۋدى تاپسىردى.
"ادىرنا" ۇلتتىق پورتالى
