Áleýmettik jelide Tashkenttegi aýdandardyń birinde aýdan ákimshiligi ǵımaratynyń janyndaǵy abattandyrý bólimi qyzmetkerleriniń ereýilge shyqqany týraly vıdeo tarady, dep habarlaıdy "Adyrna" ulttyq portaly.
Vıdeoda aýdandyq abattandyrý bólimi qyzmetkerleriniń jalaqynyń azaıyp, keshiktirilip jatqanyna narazylyq bildirgenin estı alasyz.
- Buǵan deıin jalaqydan 300 myń sým (27,56 dollar) ustalǵan. Aldyn ala tólem, merekelik tólem joq. Olar bizdiń eńbegimizdi qalaı paıdalaný kerektigin biledi, biraq jalaqyny umytyp ketti. Bizde kıim aýystyratyn bólmeler joq. Bizdi bári jek kóredi. Dárethanaǵa barýǵa bolmaıdy, ashanada bir kese shaı berilmeıdi, - deıdi Chılanzar aýdandyq abattandyrý bóliminiń qyzmetkerleriniń biri.
Keıin Tashkent qalasynyń Chılanzar aýdanynyń basshysy (hokım) Shavkat Mavlonov abattandyrý bóliminiń narazy qyzmetkerlerimen kezdesti.
Aýdan ákimdiginiń baspasóz qyzmeti jalaqy tólengenin habarlady. Sonymen qatar, aýdan basshysy jumysshylardy kólikpen qamtamasyz etýdi, úshinshi sanattaǵylardyń jalaqysyn qaıta esepteýdi jáne jumysshylardy yntalandyrý boıynsha usynystar ázirleýdi tapsyrdy.
"Adyrna" ulttyq portaly
