الەمگە ايگىلى Il Divo كۆارتەتىنىڭ ۆوكاليسى كارلوس مارين 53 جاسىندا كوروناۆيرۋستان قايتىس بولدى، دەپ حابارلايدى "ادىرنا" ۇلتتىق پورتالى Daily Mail سايتىنا سىلتەمە جاساپ.
- دوسىمىز جانە سەرىكتەسىمىز كارلوس ءماريننىڭ قايتىس بولعانىن حابارلايمىز. ونىڭ ورنى ارقاشان ويسىراپ تۇرادى. كارلوس سياقتى داۋىس، رۋح ەشقاشان بولمايدى. 17 جىل بويى تورتەۋىمىز Il Divo دەپ اتالاتىن كەرەمەت توپتا بىرگە بولدىق. دوسىمىزدى ساعىنامىز، - دەپ جازدى Twitter-دە توپتىڭ باسقا مۇشەلەرى ۋرس بۋلەر، سەباستەن يزامبار جانە دەۆيد ميللەر.
يسپاندىق باريتون مانچەستەر كورولدىك اۋرۋحاناسىنىڭ جانساقتاۋ بولىمىندە قايتىس بولدى. ول ۆاكتسينا العان، بىراق جەلتوقساننىڭ باسىندا COVID-19 جۇقتىرىپ، كەيىنىرەك جاساندى كوماعا جاتقىزىلعان.
ايتا كەتەيىك، كارلوس مارين ءوزىنىڭ العاشقى البومى "كىشكەنتاي كارۋزو" شىققان كەزدە، ياعني سەگىز جاسىندا كارەراسىن باستادى. كەيىن نيدەرلاندىدا ماريننى ءدال وسىلاي اتاي باستادى. ءانشى الفرەدو كراۋس پەن مونتسەررات كابالەرمەن بىرگە وقىپ، وپەرا ساحناسىندا ءساتتى ونەر كورسەتتى.
"ادىرنا" ۇلتتىق پورتالى
