Álemge áıgili Il Divo kvartetiniń vokalısi koronavırýstan qaıtys boldy

1788
Adyrna.kz Telegram

Álemge áıgili Il Divo kvartetiniń vokalısi Karlos Marın 53 jasynda koronavırýstan qaıtys boldy,  dep habarlaıdy "Adyrna" ulttyq portaly Daily Mail saıtyna silteme jasap.

- Dosymyz jáne seriktesimiz Karlos Marınniń qaıtys bolǵanyn habarlaımyz. Onyń orny árqashan oısyrap turady. Karlos sııaqty daýys, rýh eshqashan bolmaıdy. 17 jyl boıy tórteýimiz Il Divo dep atalatyn keremet topta birge boldyq. Dosymyzdy saǵynamyz, - dep jazdy Twitter-de toptyń basqa músheleri Ýrs Býler, Sebasten Izambar jáne Devıd Mıller.

Ispandyq barıton Manchester koroldik aýrýhanasynyń jansaqtaý bóliminde qaıtys boldy. Ol vakına alǵan, biraq jeltoqsannyń basynda COVID-19 juqtyryp, keıinirek jasandy komaǵa jatqyzylǵan.

Aıta keteıik, Karlos Marın óziniń alǵashqy albomy "Kishkentaı Karýzo" shyqqan kezde, ıaǵnı segiz jasynda karerasyn bastady. Keıin Nıderlandyda Marınny dál osylaı ataı bastady. Ánshi Alfredo Kraýs pen Montserrat Kabalermen birge oqyp, opera sahnasynda sátti óner kórsetti.

"Adyrna" ulttyq portaly

Pikirler