ءال-فارابي اۋدانى اكىمدىگىندە تاۋەلسىزدىگىمىزدىڭ 30 جىلدىعىنا وراي شىمكەنت قالاسىنىڭ قالىپتاسۋىنا، قالامىزدىڭ الەۋمەتتىك-ەكونوميكالىق دامۋىنا ۇلەس قوسۋشى ازاماتتار ماراپاتتالدى.
مەرەكەلىك جيىندا اۋدان اكىمى راشيد مىڭباەۆ تۇرعىنداردى ۇلىق مەرەكە – قازاقستان تاۋەلسىزدىگىنىڭ 30 جىلدىعىمەن قۇتتىقتادى. راشيد مامىتۇلى اۋدان اكىمدىگىنىڭ ستراتەگيالىق مىندەتى – ەڭ الدىمەن تۇرعىنداردىڭ ءومىرىنىڭ ساپاسى مەن تۇرمىستىق دەڭگەيىن كوتەرۋ ەكەندىگىن اتاپ ءوتتى.
–تەك بىرلەسكەن جۇمىستىڭ ناتيجەسىندە قالامىزدى ودان دا جايلى ەتە الامىز. وسى جولدا ايانباي ەڭبەك ەتىپ، كەڭ بايتاق ەلىمىزدىڭ دامۋ جولىندا اسقاق ارماندار مەن باتىل جوسپارلاردى جۇزەگە اسىرۋعا سەپتىگىن تيگىزىپ جۇرگەن بىرقاتار ازاماتتاردى قازاقستان رەسپۋبليكاسى پرەزيدەنتىنىڭ 2021 جىلعى 2 جەلتوقسانداعى جارلىعىمەن "قازاقستان تاۋەلسىزدىگىنە 30 جىل" مەرەكەلىك مەدالىمەن ناگرادتاۋعا رۇقسات ەتىڭىزدەر. بىرلىگىمىز بەكەم، تاۋەلسىزدىگىمىز تۇعىرلى بولسىن!- دەدى اۋدان اكىمى.
سالتاناتتى مەرەكەدە ءبىلىم، مەديتسينا، مادەنيەت، سپورت، الەۋمەت، تازالىق سالالارىنا سالالارىندا ەڭبەگى ءسىڭىرىپ جۇرگەن اۋدان تۇرعىندارى ماراپاتتالدى.
