Ál-Farabı aýdany ákimdiginde Táýelsizdigimizdiń 30 jyldyǵyna oraı Shymkent qalasynyń qalyptasýyna, qalamyzdyń áleýmettik-ekonomıkalyq damýyna úles qosýshy azamattar marapattaldy.
Merekelik jıynda aýdan ákimi Rashıd Myńbaev turǵyndardy ulyq mereke – Qazaqstan Táýelsizdiginiń 30 jyldyǵymen quttyqtady. Rashıd Mamytuly aýdan ákimdiginiń strategııalyq mindeti – eń aldymen turǵyndardyń ómiriniń sapasy men turmystyq deńgeıin kóterý ekendigin atap ótti.
–Tek birlesken jumystyń nátıjesinde qalamyzdy odan da jaıly ete alamyz. Osy jolda aıanbaı eńbek etip, keń baıtaq elimizdiń damý jolynda asqaq armandar men batyl josparlardy júzege asyrýǵa septigin tıgizip júrgen birqatar azamattardy Qazaqstan Respýblıkasy Prezıdentiniń 2021 jylǵy 2 jeltoqsandaǵy Jarlyǵymen "Qazaqstan Táýelsizdigine 30 jyl" merekelik medalimen nagradtaýǵa ruqsat etińizder. Birligimiz bekem, Táýelsizdigimiz tuǵyrly bolsyn!- dedi aýdan ákimi.
Saltanatty merekede bilim, medıına, mádenıet, sport, áleýmet, tazalyq salalaryna salalarynda eńbegi sińirip júrgen aýdan turǵyndary marapattaldy.
