مەديتسينا قىزمەتكەرلەرىنە قۇرمەت كورسەتىلدى

4234
Adyrna.kz Telegram

مەرەكە قارساڭىندا شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان اق حالاتتى ابزال جانداردى قۇتتىقتاپ، حالىقتىڭ ساۋلىعى ءۇشىن ەڭبەك ەتىپ جۇرگەن دارىگەرلەردىڭ ەڭبەگىن ەرەكشە اتاپ ءوتتى.

پاندەميا ورشىگەن تۇستا مەديتسينا ماماندارى الدىڭعى شەپتە قىزمەت ەتتى. ءالى كۇنگە دەيىن ماماندار حالىقتىڭ ساۋلىعىن كۇزەتۋدە ايانباي ەڭبەك ەتۋدە. كۇندەلىكتى قىزمەتى ءوز دەنساۋلىقتارىنا قاۋىپ توندىرسە دە، قىزمەتتىك مىندەتتەرىنە بەرىك بولدى. بۇگىندە مەديتسينا ماماندارىنىڭ كاسىبي قىزمەتى، ادال ەڭبەگىنىڭ ارقاسىندا ەلىمىزدە جاعداي بىرتىندەپ تۇراقتالىپ كەلەدى. مەرەكە قارساڭىندا ادام جانىنىڭ اراشاسى، اق حالاتتى جاندارعا ارنايى قۇرمەت كورسەتىلىپ، ەڭبەكتەرى ەرەكشە ەلەندى.

كوپ جىلعى ەڭبەگى مەن كاسىبيلىگى ءۇشىن ۇزدىك دارىگەر، مەدبيكە، زەرتحاناشى، فەلدشەرلەرگە «قر تاۋەلسىزدىگىنە 30 جىل» مەرەكەلىك مەدالدەرى، «شاپاعات» جانە «دەنساۋلىق ساقتاۋ ءىسىنىڭ ۇزدىگى»،«ەرەن ەڭبەگى ءۇشىن» توسبەلگىلەرى جانە العىس حاتتار تابىستالدى.

ايتا كەتەيىك، تاۋەلسىزدىك جىلدارىندا قالادا دارىگەرلەر سانى 1991 جىلعى 2205 دارىگەردەن 2021 جىلى 4205-كە دەيىن ءوستى. 10 مىڭ تۇرعىنعا شاققاندا دارىگەرلەرمەن قامتاماسىز ەتۋ 39,1 (1991ج.-27,0) قۇرادى. جۇيەلى، كادرلىق ساياساتتىڭ ارقاسىندا ماتەرياليزم مەن بالانى قورعاۋعا باسىمدىق بەرە وتىرىپ، حالىقارالىق جوبالار بويىنشا مەديتسينا قىزمەتكەرلەرىنىڭ بىلىكتىلىگىن ارتتىرۋ مۇمكىندىگى پايدا بولدى. 4000-نان استام مەديتسينا قىزمەتكەرى وقىتىلدى. قالانىڭ بارلىق مەديتسينالىق ۇيىمدارىندا اقپاراتتىق جۇيەلەر ەنگىزىلدى، قاعازسىز قۇجات اينالىمى ەنگىزىلدى، حالىقتىڭ 100% - ىندا ەلەكتروندىق دەنساۋلىق پاسپورتى تولتىرىلدى. جىل سايىن جوعارى مامانداندىرىلعان تەحنولوگيالار سانى وسۋدە. شىمكەنتتىڭ جۇرەك ورتالىعىندا اشىق جۇرەككە وتا جاسالىپ، ستەنتتەر ورناتىلۋدا.

پىكىرلەر