تاۋەلسىزدىكتىڭ 30 جىلدىعىنا وراي شىمكەنت قالالىق اباي اۋدانى اكىمدىگىنىڭ ۇيىمداستىرۋىمەن سالتاناتتى ءىس-شارا ءوتتى. اباي ساياباعىندا ۇيىمداستىرىلعان مەرەكەگە زيالى قاۋىم وكىلدەرى، ارداگەرلەر، اۋدان تۇرعىندارى جينالدى. الدىمەن كوپشىلىك اباي اۋدانىنا قاراستى باستاۋىش ءبىلىم بەرۋ ۇيىمدارى ۇيىمداستىرعان مەرەكەلىك كورمەنى تاماشالادى. تاربيەشىلەر بالعىندارمەن بىرگە جاساعان تاۋەلسىزدىك بەلگىلەرىن ايشىقتايتىن ءتۇرلى بۇيىمداردى كەلۋشىلەر نازارىنا ۇسىندى.
– قۇرمەتتى قالا تۇرعىندارى مەن قوناقتارى. سىزدەردى ەلىمىزدىڭ ەڭ ۇلىق مەرەكەسى – تاۋەلسىزدىك كۇنىمەن شىن جۇرەكتەن قۇتتىقتايمىن! وسىناۋ جىلدار ىشىندە قازاقستانىمىز، ونىڭ ىشىندە شىمكەنت قالاسى مەن اباي اۋدانى ايتارلىقتاي جەتىستىكتەرگە جەتتى. سول جەتىستىكتەردىڭ ىشىندە سىزدەردىڭ دە ۇلەستەرىڭىز بار. تاۋەلسىز قازاقستان ماڭگى جاساي بەرسىن! – دەدى كوپشىلىكتى مەرەكەمەن قۇتتىقتاعان اباي اۋدانىنىڭ اكىمى بۇحارباي پارمانوۆ.
بۇدان كەيىن اۋداننىڭ كوركەيۋىنە ۇلەس قوسىپ جۇرگەن ءبىر توپ ارداگەر مەن كاسىپكەرلەر، قوعام بەلسەندىلەرى اۋدان اكىمىنىڭ العىس حاتىمەن ماراپاتتالدى. مەرەكەلىك ءىس-شارا كونتسەرتتىك باعدارلامامەن جالعاستى.
